KKR VS RCB : कोलकाता नाईट रायडर्स विरुद्ध रॉयल चॅलेंजर्स बंगळुरू हा आयपीएल २०२५ मधला पहिला सामना सुरु आहे. या सामन्यामध्ये रजत पाटीदारने टॉस जिंकत प्रथम गोलंदाजी करण्याचा निर्णय घेतला. त्यानंतर केकेआरचे सलामीवीर मैदानामध्ये उतरले. त्यात क्विंटन डिकॉक पहिल्याच ओव्हरमध्ये बाद झाला. पण अजिंक्य रहाणे आणि सुनील नरेन यांच्या खेळी करत आरसीबीवर दबाव आणला.

सामना सुरु असताना सुनील नरेनची बॅट स्टंपला लागली. स्टंपच्या बेल्स देखील पडल्या. दरम्यान नरेनची बॅट स्टंपला लागल्याचे व्हिडीओ आणि फोटो सोशल मीडियावर व्हायरल व्हायला सुरुवात झाली. स्टंपला बॅट लागूनही नरेन आउट का झाला नाही असा प्रश्न काहीजण सोशल मीडियावर विचारायला लागले.

दरम्यान सुनील नरेनची बॅट स्टंपला लागण्यापूर्वी अंपायर्सनी बॉल डेड झाल्याची घोषणा केली होती. तेव्हा अनावधानाने नरेनकडून हे घडले असावे असे म्हटले जात आहे. पुढे नवव्या ओव्हरमध्ये रसिक सलामने टाकलेल्या बॉलवर सुनील नरेन बाद झाला. विकेटकीपर जितेश शर्माने त्याची कॅच पकडली.

क्विंटन डिकॉक लवकर बाद झाल्यानंतर रहाणे आणि नरेन यांनी मिळून खेळ सांभाळला. त्यांनी केकेआरला चांगली सुरुवात करुन दिली. नवव्या ओव्हरमध्ये नरेन बाद झाला. त्यानंतर क्रुणाल पंड्याच्या ओव्हरमध्ये अजिंक्य रहाणे देखील कॅचआऊट झाला. १३ व्या ओव्हरपर्यंत १३१ धावा झाल्या आहेत.