MS Dhoni MI VS CSK Live : मुंबई इंडियन्स विरुद्ध चेन्नई सुपर किंग्स हा महामुकाबला चेपॉकमध्ये रंगला आहे. या सामन्यामध्ये महेंद्रसिंह धोनीने पुन्हा एकदा आपली जादू दाखवली आहे. धोनीने विद्युत वेगाने स्टंपिंग केली आणि मुंबईचा कर्णधार सूर्यकुमार यादवला बाद केले. एमएस धोनीच्या या स्टंपिंगचा व्हिडीओ सोशल मीडियावर प्रचंड व्हायरल होत आहे.
दहाव्या ओव्हरमध्ये सूर्यकुमार यादव आणि तिलक वर्मा सावधगिरी बाळगत खेळत होते. त्याच दरम्यान नूर अहमदने टाकलेल्या गुगलीवर सूर्यकुमार यादव बाद झाला. बॉल जसा धोनीच्या हातात आला, तसा त्याने स्टंपिंग करत सूर्याला माघारी पाठवले. दहाव्या ओव्हरच्या तिसऱ्या बॉलवर कर्णधार बाद झाल्यानंतर बाराव्या ओव्हरमध्ये तिलक वर्मा देखील नूर अहमदच्या बॉलवर एलबीडब्लू आउट झाला.
ऋतुराज गायकवाडने टॉस जिंकत पहिल्यांदा गोलंदाजी करण्याचा निर्णय घेतला. पुढे मैदानामध्ये रोहित शर्मा आणि रियान रिकल्टन फलंदाजी करण्यासाठी उतरले. रोहित शर्मा पहिल्याच ओव्हरमध्ये बाद झाला. पुढे रियान, विल जॅक्स, सूर्या, तिलक वर्मा, नमन धीर असे सर्वजण एकापाठोपाठ तंबूत परतले.
पहिल्याच ओव्हरमध्ये शून्यावर बाद झालेल्या रोहित शर्माच्या नावावर नकोसा रेकॉर्ड बनला आहे. आयपीएलच्या इतिहासात तो सर्वात जास्त वेळा शून्यावर बाद होणारा खेळाडू ठरला आहे. यात रोहितने दिनेश कार्तिकशी बरोबरी केली आहे. रोहित शर्मा आणि दिनेश कार्तिक दोघेही १८ वेळा भोपळा न फोडता परतले आहेत.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.