IPL 2025 : विराट कोहलीने पंजाब किंग्स विरुद्ध दमदार खेळी केली. १५७ धावांचे लक्ष गाठताना विराटने ५४ चेंडूंमध्ये ७३ धावा केल्या. यात ७ चौकार आणि १ षटकार यांचा समावेश होता. सलामीसाठी मैदानात उतरलेला विराट सामना संपेपर्यंत मैदानात टिकून होता. सामन्यातील योगदानामुळे विराट कोहली 'प्लेयर ऑफ द मॅच' बनला.

कालच्या सामन्यामध्ये प्लेयर ऑफ द मॅच बनून विराट कोहलीने रोहित शर्माच्या विक्रमाची बरोबरी केली. त्या वेळेस आयपीएलमध्ये सर्वात जास्त वेळा प्लेयर ऑफ द मॅच जिंकणारा भारतीय क्रिकेटपटू हा विक्रम रोहित शर्माच्या नावावर होता. रोहित १९ सामन्यामध्ये प्लेयर ऑफ द मॅच ठरला होता. पंजाब विरुद्ध बंगळुरू सामन्यानंतर रोहितसह विराटच्या नावावर या विक्रमाची नोंद झाली.

वानखेडे स्टेडियमवर काल मुंबई इंडियन्स विरुद्ध चेन्नई सुपर किंग्स हा सामना खेळला गेला. या सामन्यात फलंदाजी करताना ४५ चेंडूंवर ७६ धावा केल्या. या खेळीमुळे रोहित शर्मा कालच्या सामन्याचा प्लेयर ऑफ द मॅच बनला. सर्वात जास्त वेळा प्लेयर ऑफ द मॅच बनण्याच्या विक्रमामध्ये रोहितने पुन्हा विराटला मागे टाकले. रोहित २० वेळा प्लेयर ऑफ द मॅच बनला आहे.

आयपीएलच्या इतिहासात एबी डिव्हिलियर्स सर्वात जास्त सामन्यात म्हणजेच २५ सामन्यात प्लेयर ऑफ द मॅच बनला आहे. या यादीत दुसऱ्या स्थानावर ख्रिस गेल आहे. गेलने २२ वेळा प्लेयर ऑफ द मॅचचा मानकरी ठरला आहे. यादीच्या तिसऱ्या स्थानी रोहित शर्मा आहे. चौथ्या आणि पाचव्या स्थानावर अनुक्रमे विराट कोहली आणि महेंद्रसिंह धोनी आहेत.