vaibhav suryavanshi twitter
Sports

IPL 2025: Vaibhav Suryavanshi खरंच १३ वर्षांचा आहे का? जवळच्या व्यक्तीने केला मोठा खुलासा

Vaibhav Suryavanshi Father Reaction On Age Fraud: वैभव सूर्यवंशीची निवड होताच, त्याच्यावर वय कमी करुन घेतले असल्याचे आरोप केले जात आहेत.

Ankush Dhavre

Vaibhav Suryavanshi Father Reaction: सौदी अरेबियातील जेद्दाहमध्ये आयपीएल २०२५ स्पर्धेसाठी मेगा लिलाव पार पडला. या लिलावात एकाच खेळाडूची तुफान चर्चा झाली. तो खेळाडू म्हणजे, बिहारचा २३ वर्षीय खेळाडू वैभव सूर्यवंशी.

आयपीएलच्या लिलावात त्याच्यावर राजस्थान रॉयल्सने १.१० कोटींची बोली लावली. यासह तो आयपीएल स्पर्धेसाठी निवड होणारा सर्वात युवा खेळाडू ठरला आहे.

एकीकडे त्याच्यावर शुभेच्छांचा वर्षाव केला जातोय, तर दुसरीकडे त्याने वय कमी करुन घेतलंय, अशी सोशल मीडियावर जोरदार चर्चा रंगली आहे. दरम्यान आता त्याच्या वडिलांनी याबाबत भाष्य केलं आहे. (Vaibhav Suryavasnshi Real Age)

वैभव सूर्यवंशीने भारतीय अंडर १९ संघासाठी पदार्पण केलं आहे. त्याने ऑस्ट्रेलिया अंडर १९ संघाविरुद्ध झालेल्या सामन्यात ५८ चेंडूत तुफानी शतकी खेळी केली होती. त्याच्या वडिलांच्या मते, वैभवने यापूर्वीही बोन टेस्ट केली आहे आणि त्यामध्ये तो पास झाला होता.

वैभवच्या वयाबाबत बोलताना त्याचे वडील म्हणाले, 'ज्यांना शंका असेल, त्यांनी त्याच्या वयाची चाचणी करुन घ्यावी. ज्यावेळी तो साडे आठ वर्षांचा होता, त्यावेळी त्याने बीसीसीआयची पहिली बोन टेस्ट दिली होती. याआधीही त्याच्याकडे भारतीय अंडर १९ संघासाठी खेळण्याचा अनुभव आहे. त्यामुळे आम्हाला तर कसलीच भिती नाही. तुम्ही पुन्हा एकदा त्याच्या वयाची चाचणी करु शकता.'

राजस्थानने लावली १.१० कोटींची बोली

लिलावाच्या दुसऱ्या दिवशी वैभव सूर्यवंशीचं नाव आलं. त्याचं नाव येताच फ्रेंचायझींनी त्याच्यावर बोली लावायला सुरुवात केली. दिल्ली कॅपिटल्स आणि राजस्थान रॉयल्स यांच्यात त्याला संघात घेण्यासाठी चांगलीच स्पर्धा रंगली. शेवटी राजस्थान रॉयल्सने १.१० कोटींची बोली लावत त्याला आपल्या संघात स्थान दिलं.

काय म्हणाले वैभवचे वडील?

लिलावानंतर बोलताना त्याचे वडील म्हणाले,' माझ्या मुलाने खूप मेहनत घेतली आहे. वयाच्या ८ व्या वर्षी तिने अंडर १६ स्पर्धेत दमदार कामगिरी केली होती. मी स्वत: त्याला सरावासाठी समस्तीपूरला घेऊन जायचो.' वैभव सूर्यवंशीला ऑस्ट्रेलियाविरुद्ध झालेल्या यूथ कसोटी मालिकेसाठी भारतीय संघात स्थान दिलं गेलं होतं. त्याने या सामन्यात ६२ चेंडूंचा सामना करत १०४ धावांची खेळी केली होती. या खेळीनंतर तो तुफान चर्चेत आला होता.

सकाळ+चे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Shocking: चिंता वाढली! टॉपर का करतायत आत्महत्या? १५ दिवसांत तिघांनी संपवलं आयुष्य

Maharashtra Live News Update : मुंबईमध्ये आलिशान कारला भीषण अपघात, एक जण गंभीर जखमी

Neechbhang Rajyog 2025: आज शुक्र बनवणार शुक्रादित्य नीचभंग राजयोग; 'या' 3 राशींच्या घरी बरसणार पैसा

Lucky zodiac signs: गुरुवारी रेवती नक्षत्राचा प्रभाव; जाणून घ्या शुभ मूहूर्त, कोणत्या राशींवर बृहस्पतीची कृपा

Solapur : ऐन दिवाळीत दिवाळे! महाराष्ट्रातील या बँकेवर RBI चे कठोर निर्बंध, पैशांचं काय होणार?

SCROLL FOR NEXT