IPL 2025 Mega Auction, Arjun Tendulkar: मास्टर- ब्लास्टर सचिन तेंडुलकरचा मुलगा अर्जून तेंडूलकर आयपीएल २०२५ स्पर्धेसाठी झालेल्या लिलावात अन्सोल्ड राहिला आहे. या लिलावात कुठा अर्जून तेंडूलकरचं नाव आल्यानंतर कुठल्याही संघाने त्याच्यावर बोली लावलेली नाही. त्यामुळे आगामी हंगामात अर्जुन तेंडुलकर कु्ठल्याही संघात खेळता दिसून येणार नाही.

अर्जून तेंडूलकर अन्सोल्ड

अर्जून तेंडूलकर गेल्या हंगामात मुंबई इंडियन्सकडून खेळताना दिसून आला होता. मात्र आगामी हंगामापूर्वी त्याला रिलीज करण्याचा निर्णय घेण्यात आला होता. गेल्या २ वर्षांपासून मुंबईकडून खेळणाऱ्या अर्जून तेंडूलकरचं लिलावात नाव आल्यानंतर फॅन्सला वाटलं होतं की, मुंबई इंडियन्स पुन्हा एकदा त्याच्यासाठी बोली लावणार, मात्र ३० लाख मुळ किंमत असलेल्या अर्जून तेंडूलकरवर कुठल्याही संघाने बोली लावलेली नाही. त्यामुळे अर्जून तेंडूलकर अन्सोल्ड राहिला आहे.

कसा राहिलाय रेकॉर्ड?

अर्जून तेंडूलकरला मुंबई इंडियन्सने आपल्या संघात खेळण्याची संधी दिली होती. त्याला २०२३ मध्ये पदार्पण करण्याची संधी मिळाली होती. या हंगामात त्याला ४ सामने खेळण्याची संधी मिळाली होती. या हंगामात गोलंदाजी करताना त्याने ३ गडी बाद केले होते. त्यानंतर आयपीएल २०२४ स्पर्धेत खेळताना त्याला १ सामना खेळण्याची संधी मिळाली. या सामन्यात गोलंदाजी करताना त्याला एकही गडी बाद करता आला नव्हता. त्याला या संघाकडून फारशी संधी मिळाली नव्हती. त्यामुळे मुंबईने त्याला रिलीज करण्याचा निर्णय घेतला.