आयपीएल २०२४ स्पर्धेच्या लिलावाची तारीख निश्चित झाली आहे. येत्या १९ डिसेंबर रोजी दुबईत आयपीएल २०२४ स्पर्धेचा लिलाव होणार आहे. पहिल्यांदाच या स्पर्धेचा लिलावा भारताबाहेर होणार आहे. लिलावात कोणत्या खेळाडूवर सर्वाधिक बोली लागणार आणि कोणता खेळाडू अनसोल्ड होणार यावर सर्वांचं लक्ष लागून असतं. दरम्यान यावेळी सर्वांच्या नजरा खेळाडूंसह ऑक्शनरवर टिकून राहु शकतात.
माध्यमातील वृ्त्तानुसार, आगामी आयपीएल लिलावात मल्लिका सागर ऑक्शनरच्या भूमिकेत दिसून येऊ शकते. मात्र बीसीसीआयने याबाबत कुठलीही अधिकृत माहिती दिलेली नाही. मल्लिका सागर हे नाव अनेकांनी पहिल्यांदाच ऐकलं असावं. (Who Is Mallika Sagar)
मात्र तिने यापूर्वीही आयपीएल स्पर्धेत ऑक्शनरची भूमिका पार पाडली आहे. गतवर्षी तिने महिलांच्या आयपीएल स्पर्धेत होस्टची भूमिका पार पाडली होती. माध्यमातील वृत्तानुसार बीसीसीआयने तिला आयपीएलचा लिलाव होस्ट करण्याची ऑफर दिली आहे. तिने अजून होकार कळवलेला नाही. जर तिने होकार दिला, तर आगामी लिलावात ती ऑक्शनरच्या भूमिकेत दिसून येऊ शकते. (Latest sports updates)
मल्लिका सागर आहे तरी कोण?
महिलांच्या आयपीएल स्पर्धेसाठी झालेल्या लिलावात तिने ऑक्शनरची भूमिका बजावली होती.येत्या ९ डिसेंबर रोजी वुमेन्स प्रिमियर लिग २०२४ स्पर्धेसाठीचा लिलाव पार पाडणार आहे. मल्लिका सागरबद्दल बोलायचं झालं तर तिने फिलाडेल्फियामध्ये ब्रायन मावर कॉलेजमधून इतिहास या विषयातू पदवी घेतली आहे. त्यानंतर २००१ मध्ये तिने क्रिस्टीमध्ये आपल्या कारकिर्दीची सुरुवात केली. २०२१ मध्ये झालेल्या प्रो कबड्डीच्या लिलावात तिने महत्वाची भूमिका बजावली होती.
सकाळ+चे सदस्य व्हा
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.