IPL 2023 Playoffs: आयपीएल २०२३ स्पर्धेत आज रॉयल चॅलेंजर्स बंगळुरू आणि गुजरात टायटन्स संघ आमने सामने येणार आहेत. हा सामना गुजरात टायटन्स संघासाठी इतका महत्वाचा नसणार आहे. कारण गुजरात टायटन्स संघाने प्लेऑफमध्ये प्रवेश केला आहे.

तर दुसरीकडे रॉयल चॅलेंजर्स बंगळुरू संघासाठी हा सामना अतिशय महत्वाचा असणार आहे. जर रॉयल चॅलेंजर्स बंगळूरु संघाला प्लेऑफमध्ये प्रवेश करायचा असेल तर, हा सामना कुठल्याही परिस्थितीत जिंकावा लागेल.

मात्र या सामन्यापूर्वी रॉयल चॅलेंजर्स बंगळुरू संघाची चिंता वाढली आहे. कारण बंगळुरूत पाऊस सुरु आहे. इतकेच नव्हे तर सामना सुरु असताना देखील पाऊस पडण्याची शक्यता वर्तवली गेली आहे.

जर या सामन्यादरम्यान पाऊस पडला तर दोन्ही संघांना प्रत्येकी १-१ गुण दिला जाईल. असे झाल्यास रॉयल चॅलेंजर्स बंगळुरू संघाचे १५ गुण होतील.

अशा स्थितीत जर मुंबई इंडियन्स संघाने केवळ विजय मिळवला तरी मुंबईचा संघ १६ गुणांसह प्लेऑफमध्ये प्रवेश करू शकतो. मात्र जर मुंबईचा संघ हैदराबाद विरुद्ध खेळताना पराभूत झाल्यास पाऊस पडूनही रॉयल चॅलेंजर्स बंगळुरूचा संघ प्लेऑफमध्ये प्रवेश करणार आहे.

गुजरात टायटन्स, चेन्नई सुपर किंग्ज आणि लखनऊ सुपर जायंट्स संघाने प्लेऑफमध्ये प्रवेश केला आहे. तर चौथ्या स्थानासाठी मुंबई इंडियन्स, रॉयल चॅलेंजर्स आणि राजस्थान रॉयल्स या ३ संघांमध्ये चुरशीची लढत सुरु आहे.

मुंबई इंडियन्स आणि रॉयल चॅलेंजर्स बंगळुरू संघाना प्लेऑफमध्ये जाण्याची समान संधी असणार आहे. तर राजस्थान रॉयल्सचा संघ प्लेऑफमध्ये जाणार की नाही हे दोन्ही संघांच्या निकालावर अवलंबून असणार आहे. (Latest sports updates)

अशी असु शकते दोन्ही संघांची प्लेइंग ११:

रॉयल चॅलेंजर्स बंगळुरू:

विराट कोहली, फाफ डू प्लेसिस (कर्णधार) , ग्लेन मॅक्सवेल, महिपाल लोमरर, अनुज रावत (विकेटकीपर), मायकेल ब्रेसवेल, हर्षल पटेल, वेन पारनेल, शाहबाज अहमद, कर्ण शर्मा, मोहम्मद सिराज

गुजरात टायटन्स:

शुभमन गिल, ऋद्धिमान साहा(विकेटकीपर), साई सुधारसन, हार्दिक पंड्या (कर्णधार), डेव्हिड मिलर, दासुन शनाका, राहुल तेवतिया, मोहित शर्मा, राशिद खान, मोहम्मद शमी, नूर अहमद, यश दयाल