इंडियन प्रीमियर लीगच्या (IPL 2021) 14 व्या हंगामात, डबल धमाका पाहायला मिळणार आहे. त्यातला पहिला सामना रविवारी रॉयल चॅलेंजर्स बेंगळुरू आणि पंजाब किंग्स (RCB vs PBKS) यांच्यात होणार आहे. हा सामन्यात पंजाबला कोणत्याही किंमतीत जिंकवा लागेल अन्यथा ते स्पर्धेतून बाहेर पडतील. दुसरीकडे, जर बंगळुरूला पहिल्या दोन संघांमध्ये स्थान मिळवायचे असेल, तर विजय आवश्यक आहे. पंजाबचा एक खेळाडू बेंगलोरच्या संघावर आपलं वर्चस्व गाजवताना दिसणार आहे.

रविवारी दुपारी बंगळुरू आणि पंजाबच्या संघांमध्ये सामना होणार आहे, तेव्हा सर्वांच्या नजरा विराट कोहली आणि केएल राहुलवर असणार आहेत. दोघेही चांगले मित्र आणि भारतीय संघातील सर्वात आक्रमक फलंदाज आहेत. गेल्या सामन्यात दमदार फलंदाजी करताना संघाला विजयाकडे नेणाऱ्या पंजाबचा कर्णधार राहुलचा विक्रम बेंगळुरूविरुद्ध चांगला आहे. गेल्या तीन सामन्यांमध्ये त्याने या संघाविरुद्ध एक शतक आणि दोन अर्धशतके केली आहेत. सर्वात महत्त्वाचे म्हणजे तो तीनही डावांमध्ये नाबाद राहिला आहे.

केएलने शेवटच्या तीन डावात नाबाद राहिला होता.

राहुलने बेंगळुरूविरुद्ध शानदार खेळ दाखवला आणि गेल्या तीन सामन्यांमध्ये तीन मोठ्या डावांवर नाबाद राहिला आहे. या हंगामाच्या पंजाबच्या कर्णधाराने 57 चेंडूत 91 धावांची नाबाद खेळी करत संघाला 179 धावांवर नेले होते. गेल्या मोसमाबद्दल बोलायचे झाले तर पहिल्या सामन्यात त्याने 14 चौकार आणि 7 षटकारांसह 69 चेंडूत नाबाद 132 धावांची खेळी करून संघाला 206 धावांवर नेले होते. गेल्या मोसमातील दुसऱ्या सामन्यात राहुलने बंगळुरूविरुद्ध 49 चेंडूत 61 धावांची खेळी करत संघाला विजयाकडे नेले होते.

Edited By: Pravin Dhamale