अमेरिकेतील लॉस एंजिलिसमध्ये ऑलिम्पिक २०२८ स्पर्धेचे आयोजन केले जाणार आहे. या स्पर्धेत क्रिकेटचा देखील करण्यात आला आहे. आतंरराष्ट्रीय ऑलिम्पिक संघाच्या मिटींगमध्ये याबाबत निर्णय घेण्यात आला आहे.
या मिटींगमध्ये क्रिकेटसह अन्य ४ खेळाचांही ऑलिम्पिकमध्ये समावेश केला जाणार असल्याचा निर्णय घेण्यात आला आहे.
ऑलिम्पिक २०२८ स्पर्धेत क्रिकेटसह, बेसबॉल, सॉफ्टबॉल, फ्लॅग फुटबॉल, स्क्वाश आणि लॅक्रोसचा देखील समावेश केला जाणार असल्याचा निर्णय घेण्यात आला आहे. गेल्या आठवड्यात आतंरराष्ट्रीय ऑलिम्पिक संघाच्या कार्यकारी मंडळाने लॉस एंजिलिस ऑलिम्पिक स्पर्धेत ५ नव्या खेळांचा समावेश करण्यात यावा असा प्रस्ताव मांडला होता. या प्रस्तावावर चर्चा करण्यात आली. अखेर सोमवारी या प्रस्तावाला मंजुरी देण्यात आली आहे. (Latest sports updates)
यापूर्वी ऑलिम्पिकमध्ये केवळ १ वेळेस क्रिकेटचा समावेश करण्यात आला होता. १९०० साली पॅरिसमध्ये झालेल्या स्पर्धेत फ्रान्स आणि इंग्लंड या दोन्ही संघांमध्ये सुवर्णपदकाची लढत रंगली होती. या सामन्यात इंग्लंडने बाजी मारत सुवर्णपदकावर नाव कोरलं होतं.
या स्पर्धेचं आयोजन टी-२० फॉरमॅटमध्ये केलं जाणार आहे. ज्यात पुरूष आणि महिला इव्हेंटचा समावेश असेल. आतापर्यंत ६-६ संघांना प्रवेश मिळणार असल्याचं म्हटलं जात आहे. लवकरच याबाबत निर्णय घेतला जाऊ शकतो.
या स्पर्धेत क्रिकेटसह बेसबॉल, सॉफ्टबॉल, फ्लॅग फुटबॉल, स्क्वाश आणि लॅक्रोस या खेळांना देखील हिरवं कंदील दाखवण्यात आलं आहे.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.