Asian Games 2023:

चीनमध्ये आशियाई क्रीडा स्पर्धेला प्रारंभ झाला आहे. या स्पर्धेतील व्हॉलीबॉल खेळात भारतीय खेळाडूंनी दमदार खेळ केला आहे. भारत आणि दक्षिण कोरिया या दोन्ही संघांमध्ये रोमांचक सामना रंगला.

या सामन्यात भारतीय खेळाडूंनी दक्षिण कोरीयावर ३-२ ( २५-२७,२९-२७, २५-२२,२०-२५, १७-१५) ने विजय मिळवला आहे. यासह भारतीय संघाने इतिहास रचला आहे.

भारतीय संघाकडून खेळताना अशवाल राय आणि अमित गुलियाने मोलाची भूमिका बजावली आहे. या दोघांनी भारतीय संघाला महत्वाचे पॉइंट्स मिळवून दिले. आता भारतीय संघाचा पुढील सामना चिनी ताईपे आणि मंगोलिया संघासोबत होणार आहे.

भारतीय संघ आशियाई क्रीडा स्पर्धेत सुवर्णपदक जिंकण्याच्या प्रतीक्षेत आहे. १९८३ मध्ये भारतीय संघाने कांस्यपदकाला गवसणी घातली होती. तर जकार्ता आणि इंडोनेशियात झालेल्या स्पर्धेत भारतीय संघाला १२ व्या क्रमांकावर समाधान मानावं लागलं होतं. (Latest sports updates)

दक्षिण कोरियाला हरवत रचला इतिहास..

दक्षिण कोरियाने आतापर्यंत ३ वेळेस सुवर्ण पदकाला गवसणी घातली आहे. महिला आणि पुरुषांनी मिळून आतापर्यंत ३१ पदकं जिंकली आहेत. तर भारतीय संघाला केवळ ३ पदकं जिंकता आली आहेत.

भारतीय महिला हॉकी संघ चीनला रवाना..

आशियाई क्रीडा स्पर्धेसाठी भारतीय महिला हॉकी संघ चीनला रवाना झाला आहे. भारतीय महिला संघाने मंगळवारी उशिरा रात्री बंगळुरू विमानतळावरून चीनची फ्लाईट पकडली आहे. ए ग्रुपमध्ये भारतीय संघासह हाँगकाँग, मलेशिया, सिंगापूर आणि कोरिया हे संघ असणार आहेत. तर जपान, थायलंड, चीन, कजाकिस्तान आणि इंडोनेशिया हे बी ग्रुपमध्ये असणार आहेत.