Murali Vijay Retirement: भारतीय क्रिकेट संघाचा आघाडीचा फलंदाज मुरली विजयने आंतरराष्ट्रीय क्रिकेटमधून निवृत्तीची घोषणा केली आहे. सोशल मीडियावर याबद्दलची पोस्ट शेअर करत त्याने क्रिकेटला रामराम ठोकला आहे. (Cricket News)

मुरली विजयने सोशल मीडियावर लिहलेल्या या पत्रामध्ये त्याच्या आत्तापर्यंतच्या प्रवासाबद्दल चाहत्यांचे तसेच बीसीसीआयचे आभार मानले आहेत. ३८ वर्षाचा मुरली विजय त्याच्या स्टाईलिश फलंदाजीसाठी ओळखला जायचा. मात्र गेल्या किती पाच वर्षांपासून मुरली विजय संघात नव्हता.

मुरली विजयने भारतासाठी 61 कसोटी सामने खेळले असून त्यात त्याच्या 3982 धावा आहेत. यामध्ये त्याने 12 शतके आणि 15 अर्धशतकांसह 38.28 च्या सरासरीने धावा केल्या. मुरली विजयने भारतासाठी 17 एकदिवसीय आणि 9 टी-20 सामनेही खेळले आहेत.

दरम्यान, मुरली विजयने 2008 मध्ये भारताकडून पदार्पण केले होते, तर 2018 मध्ये तो शेवटचा कसोटी सामना खेळला होता. 38 वर्षीय मुरली विजयची टीम इंडियाच्या स्टायलिश सलामीवीरांमध्ये गणना होते. आयपीएलमध्ये मुरली विजय चेन्नई सुपर किंग्स संघाकडून खेळत होता. त्याचबरोबर त्याने आयपीएलमध्ये पंजाबच्या संघाचे नेतृत्वही केले होते.