shahbaz ahmed news twitter
Sports

७ मॅचमध्ये ठोकली ६ शतके, कुटुंब सोडून प्रशिक्षकाच्या घरी राहिला; आता टीम इंडियात संधी

सुंदर संघातून बाहेर गेला असला तरी, त्याच्या जागेवर एका विस्फोटक फलंदाजाला संधी मिळाली आहे. वॉशिंग्टन सुंदरची जागा आता शाहबाज अहमद हा घेणार आहे. तो झिम्बाब्वे दौऱ्यावर जाणार आहे.

Nandkumar Joshi

मुंबई: झिम्बाब्वेविरुद्धच्या वनडे मालिकेआधीच टीम इंडियाला (India) मोठा झटका मिळाला होता. ऑफ स्पिनर वॉशिंग्टन सुंदर हा जायबंदी झाल्यानं मालिकेतून बाहेर व्हावं लागलं. सुंदर संघातून बाहेर गेला असला तरी, त्याच्या जागेवर एका विस्फोटक फलंदाजाला संधी मिळाली आहे. वॉशिंग्टन सुंदरची जागा आता शाहबाज अहमद हा घेणार आहे. तो झिम्बाब्वे दौऱ्यावर जाणार आहे. (shahbaz ahmed news)

झिम्बाब्वेविरुद्ध भारत तीन सामन्यांची वनडे मालिका खेळणार आहे. १८ ऑगस्टपासून हरारेमध्ये होणाऱ्या सामन्यापासून या मालिकेला सुरुवात होत आहे. शाहबाज अहमद याची टी-२० स्पेशालिस्ट अशी ओळख आहे. पण शाहबाज हा वनडेमध्येही जबरदस्त कामगिरी करतो. गोलंदाजी, फलंदाजी अन् क्षेत्ररक्षणातही त्याची कामगिरी उजवी आहे. त्या जोरावर तो सामन्याला कलाटणी देऊ शकतो.

शाहबाज हा हरयाणाच्या मेवात जिल्ह्यातून पश्चिम बंगालमध्ये कसा पोहोचला याची स्टोरीही रंजक आहे. शाहबाजचे वडील त्याला इंजिनीअर करणार होते. त्यांची तशी इच्छा होती. वडिलांनी एका खासगी कॉलेजमध्ये अॅडमिशनही घेऊन दिले. तीन वर्षे शाहबाजने शिक्षण घेतले. मात्र, त्याचं मन क्रिकेटमध्येच रमत होतं.

त्यामुळे तुला क्रिकेट खेळायचं आहे की शिकायचंय अशी विचारणा वडिलांनी केली. त्यावर त्याने क्रिकेटची निवड केली. गुरुग्रामच्या क्रिकेट अकादमीमध्ये प्रशिक्षण घेणारा हा खेळाडू आपला मित्र प्रमोद चंदीलाच्या सांगण्यावरून गुरुग्राममध्ये गेला. शाहबाज अहमद हा तपन मेमोरियल क्लबशी जोडला गेला. पहिल्याच सात सामन्यांमध्ये त्याने सहा शतके कुटली. त्याचबरोबर गोलंदाजीतही चमकदार कामगिरी केली. त्यामुळे शाहबाजचं नाव पश्चिम बंगालशी जोडलं गेलं. त्याचं प्रथम श्रेणी प्रकारातही पदार्पण झालं.

शाहबाजचं करिअर घडण्यामागे त्याचे प्रशिक्षक पार्थो प्रतिम चौधरींचा मोठा वाटा आहे. पार्थो यांनी कठीण काळात शाहबाजला मदत केली. शाहबाज हा त्यांच्याच घरी राहत होता. पार्थो यांनी शाहबाजला आपला तिसरा मुलगा मानलं. प्रशिक्षकानं घेतलेली मेहनत फळाला आली. शाहबाजला २०२० मध्ये आयपीएलमध्ये संधी मिळाली. रॉयल चॅलेंजर्स बेंगळुरूने शाहबाजला २० लाख रुपयांमध्ये संघात घेतले. मात्र, या खेळाडूला केवळ दोन सामने खेळण्याची संधी मिळाली. २०२१ आणि २०२२ मध्ये शाहबाजला बेंगळुरूने जास्त वेळा संधी दिली. त्यात त्याने स्वतःला सिद्ध करून दाखवलं.

शाहबाज अहमद याने बंगालसाठी खेळताना प्रथम श्रेणी सामन्यांत १८ सामन्यांमध्ये ४१ हून अधिकच्या सरासरीने १०४१ धावा केल्या आहेत. त्याशिवाय त्याने ५७ विकेटही घेतल्या आहेत. या खेळाडूमध्ये प्रचंड क्षमता आहे. जर झिम्बाब्वेमध्ये शाहबाजचं आंतरराष्ट्रीय क्रिकेटमध्ये पदार्पण झालं तर आश्चर्य वाटायला नको.

सकाळ+चे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Maharashtra Politics : शिंदे गटाला झटका, महिला नेत्याचा अजित पवार गटात जाण्याचा निर्णय

पश्चिम महाराष्ट्रात शिंदेंना भाजपचा धक्का, आमदाराच्या भावासह ४० पदाधिकाऱ्यांचा शिवसेनेला जय महाराष्ट्र!

Body changes after death: मृत्यूनंतर व्यक्तीचं तोंड अनेकदा का उघडं राहतं?

Arjun Tendulkar : सचिनच्या पावलावर चालत अर्जुनने केला साखरपुडा; वयाचं गुपित ऐकून चाहत्यांमध्ये रंगली चर्चा

Maharashtra Live News Update: रायगडच्या पायथ्याशी जोरदार पाऊस

SCROLL FOR NEXT