India vs West Indies 2nd ODI: भारत आणि वेस्टइंडीज या दोन्ही संघांमध्ये ३ वनडे सामन्यांची मालिका सुरू आहे. या मालिकेतील दुसरा वनडे सामना शनिवारी (२९ जुलै) बार्बाडोसच्या केनिंग्सटन ओव्हलच्या मैदानावर रंगणार आहे. यापूर्वी झालेल्या पहिल्या वनडे सामन्यात भारतीय संघाने ५ गडी राखून विजय मिळवला होता.

यासह या मालिकेत भारतीय संघाने १-० ची आघाडी घेतली आहे. आता दुसरा सामना जिकूंन भारतीय संघ मालिका जिंकण्याच्या प्रयत्नात असणार आहे. दरम्यान या सामन्यापूर्वी क्रिकेट फॅन्सची चिंता वाढवणारी बातमी समोर येत आहे.

पावसामुळे दुसरा सामना होणार रद्द?

हा सामना सुरू होण्यापूर्वी क्रिकेट फॅन्ससाठी वाईट बातमी समोर येत आहे. सामना सुरु असताना ढगाळ वातावरण असेल. तसेच पाऊस पडण्याची शक्यता ५० टक्के इतकी असणार आहे. स्थानिक वेळेनुसार हा सामना सकाळी ९:३० सुरू होईल.

तर १० ते १२ च्या दरम्यान पाऊस पडण्याचा अंदाज वर्तवला गेला आहे. तर संध्याकाळी ४ ते ६ दरम्यान देखील पाऊस पडेल असा अंदाज वर्तवण्यात आला आहे.

दुसऱ्या वनडेसाठी अशी असेल खेळपट्टी..

बार्बाडोसच्या दुसऱ्या कसोटीतही फिरकी गोलंदाजांना मदत मिळू शकते. पहिल्या सामन्यात फिरकी गोलंदाजांचा दबदबा पाहायला मिळाला होता.

दोन्ही संघातील फिरकी गोलंदाजांनी मिळून १५ पैकी १० गडी बाद केले होते. या सामन्यातही फिरकी गोलंदाजांची जादू चालली तर हा सामना देखील लो स्कोरिंग पाहायला मिळू शकतो. (Latest sports updates)

दुसऱ्या वनडे सामन्यासाठी भारतीय संघाची प्लेइंग ११:

रोहित शर्मा (कर्णधार), शुबमन गिल, विराट कोहली, ईशान किशन (यष्टीरक्षक), हार्दिक पंड्या, सूर्यकुमार यादव, रविंद्र जडेजा, शार्दुल ठाकुर, कुलदीप यादव, उमरान मलिक, मुकेश कुमार.

वेस्टइंडीज संघाची प्लेइंग ११:

ब्रँडन किंग, एलिक अथनाज, शाई होप (कर्णधार आणि यष्टीरक्षक), कीसी कार्टी, शिमरोन हेटमायर, रोवमन पॉवेल, रोमारियो शेफर्ड, डोमिनिक ड्रेक्स, यानिक कारिया, गुडाकेश मोती, जेडेन सील्स.