Ind Vs Srilanka ODI Siries: भारत आणि श्रीलंका (Srilanka) यांच्यातील पहिल्या एकदिवसीय सामन्यात विराट कोहलीची बॅट चांगलीच तळपली. विराटने लंकन गोलंदाजांची जोरदार धुलाई करत सामन्यात शतक साजरे केले. विराटचे हे ७३ वे आंतराष्ट्रीय तर ४५ वे एकदिवसीय शतक ठरले.

या शतकासोबतच विराटने (Virat Kohli) चार वर्षाचा दुष्काळही संपला आहे. चार वर्षांपासून विराटने एकदिवसीय सामन्यांत एकही शतक झळकावले नव्हते. त्याने २०१९ मध्ये रांजीत त्याचे शेवटचे शतक झळकावले होते.

श्रीलंकेविरुद्धच्या या सामन्यात विराटने ८० चेंडूंमध्ये त्याचे शानदार शतक साजरे केले. या खेळीसोबतच विराटने त्याच्या जुन्या फॉर्ममध्ये तो आल्याचे संकेत दिले आहेत. विराटच्या या शतकाच्या आणि रोहित शर्माच्या (Rohit Sharma) अर्धशतकी खेळीच्या जोरावर भारतीय संघाने श्रीलंकेसमोर मोठे आव्हान उभे केले आहे. भारतीय संघाने सात गडी गमावत ३६६ धावा ठोकल्या आहेत.