न्यूझीलंडविरुद्ध वेलिंग्टनच्या बेसिन रिझर्व्ह मैदानावर सुरू असलेल्या पहिल्या टेस्ट सामन्यात टीम इंडियाच्या फलंदाजांनी चांगली सुरुवात केली आहे. टीम इंडियाचा ओपनर यशस्वी जयस्वाल आणि केएल राहुल यांनी पहिल्या विकेटसाठी 130 रन्सची पार्टनरशिप करत नवा रेकॉर्ड केलाय. न्यूझीलंडच्या गोलंदाजांचा सामना करत दोघांनीही उत्तम फलंदाजी केली. या पार्टनरशिपमुळे भारताने तब्बल 32 वर्षांपूर्वीचा रेकॉर्ड मोडलाय.
दुसऱ्या दिवसाचा खेळ संपला त्यावेळी टीम इंडियाचा स्कोर 39 ओव्हर्समध्ये एका विकेट गमावून 159 रन्स असा आहे. केएल राहुल 52 रन्सवर तर देवदत्त पडिक्कल 16 रन्सवर खेळत होते. पहिल्या टेस्ट सामन्यात भारत अजूनही 209 रन्सने मागे आहे.
न्यूझीलंडच्या भूमीवर खेळताना यशस्वी जयस्वालने पहिल्याच टेस्ट सामन्यात आपल्या फलंदाजीची छाप पाडली. त्याला दुसऱ्या बाजूने केएल राहुलची चांगली साथ मिळाली. या दोघांनी मिळून अवघ्या 27.5 ओव्हर्समध्ये पहिल्या विकेटसाठी 130 रन्स केले.
न्यूझीलंडच्या मैदानावर टेस्ट क्रिकेटमध्ये 1994 नंतर भारतीय ओपनर्सने केलेली ही सर्वात मोठी पार्टनरशिप ठरलीये. यापूर्वी मार्च 1994 मध्ये हॅमिल्टन टेस्टमध्ये नवज्योत सिंग सिद्धू आणि नयन मोंगिया यांनी पहिल्या विकेटसाठी 102 रन्स केले होते. आता राहुल आणि यशस्वी जयस्वाल यांनी 130 रन्सची पार्टनरशिप करत हा 32 वर्षांपूर्वीचा रेकॉर्ड मोडीत काढला आहे. न्यूझीलंडच्या मैदानावर भारतीय टेस्ट क्रिकेटच्या इतिहासातील ही पाचवी सर्वात मोठी पार्टनरशिप होती.
या सामन्यात यशस्वी जयस्वालने 89 रन्समध्ये 85 रन्सची पार्टनरशिप केली. त्याच्या या खेळीत त्याने 16 चौकार मारले. यावेळी त्याने 95.5 च्या स्ट्राईक रेटने फलंदाजी केली. मात्र 27.5 मध्ये मॅच हेन्रीने त्याची विकेट घेत त्याला माघारी धाडलं.
हेन्सचा गोलंदाज ऑफ स्टंपच्या बाहेर जात होता. हा चेंडू जयस्वालने खेळण्याचा प्रयत्न केला. यावेळी न्यूझीलंडकडून कॅच आऊटचं अपील केलं. मैदानावरील अंपायरने त्याला नॉट आऊट करार दिला. मात्र किवींनी रिव्ह्यू घेतल्यानंतर त्याला आऊट दिलं.
याआधी न्यूझीलंडने आपल्या पहिल्या डावात 121 ओव्हर्समध्ये 368 रन्स केले. हेन्री निकोल्सने नाबाद 175 रन्सची खेळी केली. तर ग्लेन फिलिप्सने 118 रन्स केले. या दोघांनी भारतीय गोलंदाजांसमोर टिकून राहत टीमला मोठा स्कोर उभारण्यास मदत केली.
दुसऱ्या दिवसाचा खेळ संपेपर्यंत भारताने 159 रन्स केले असून टीम अजूनही 209 रन्सने मागे आहे. केएल राहुलने आपले अर्धशतक पूर्ण केलं असून तर देवदत्त पडिक्कल त्याला साथ देतेय. त्यामुळे तिसऱ्या दिवशी या दोघांवर भारतीय डाव पुढे नेण्याची जबाबदारी असणार आहे. शनिवारी सामन्याचा तिसरा दिवस खेळवला जाणार आहे.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.