India vs Netherland Toss And Playing 11 Update:

वर्ल्डकप २०२३ स्पर्धा शेवटच्या टप्प्यात पोहोचली आहे. साखळी फेरीतील शेवटचा सामना भारत आणि नेदरलँड या दोन्ही संघांमध्ये सुरु आहे. बंगळुरुतील एम चिन्नास्वामीच्या मैदानावर सुरु असलेल्या या सामन्यात भारतीय संघाने नाणेफेक जिंकून प्रथम फलंदाजी करण्याचा निर्णय घेतला आहे. या सामन्यासाठी भारतीय संघात कुठलाही बदल करण्यात आलेला नाही.

वर्ल्डकप २०२३ स्पर्धेत रोहित शर्माच्या नेतृत्वाखाली खेळणारा भारतीय संघ तुफान फॉर्ममध्ये असल्याचं दिसून आलं आहे. भारतीय संघाने ८ पैकी ८ सामन्यांमध्ये विजय मिळवला आहे. हे ८ सामने जिंकून १६ गुणांसह भारतीय संघ अव्वल स्थानी आहे. नेदरलँडविरुद्धचा सामना जिंकून भारतीय संघ गुणतालिकेत अजिंक्य राहण्याच्या प्रयत्नात असणार आहे.

तर नेदरलँड संघाच्या कामगिरीबद्दल बोलायचं झालं तर, नेदरलँडने ८ सामने खेळले आहेत. या ८ पैकी केवळ २ सामन्यात नेदरलँडला विजय मिळवता आला आहे. तर ६ सामन्यांमध्ये पराभवाचा सामना करावा लागला आहे. नेदरलँडचा संघ गुणतालिकेत सर्वात शेवटी आहे. (Latest sports updates)

या सामन्यासाठी अशी आहे भारतीय संघाची प्लेइंग ११:

रोहित शर्मा (कर्णधार), शुभमन गिल, विराट कोहली, श्रेयस अय्यर, केएल राहुल, सूर्यकुमार यादव, रविंद्र जडेजा, कुलदीप यादव, मोहम्मद शमी, जसप्रीत बुमराह आणि मोहम्मद सिराज

या सामन्यासाठी अशी आहे नेदरलँडची प्लेइंग ११ं:

वेस्ली बॅरेसी, मॅक्स ओ’डौड, कॉलिन एकरमन, सीब्रँड एंजेलब्रेच, स्कॉट एडवर्ड्स (यष्टीरक्षक/कर्णधार), बास डी लीडे, रोएलॉफ व्हॅन डर मर्व्ह, आर्यन दत्त, पॉल व्हॅन मीकेरेन, तेजा निदामानुरु, लोगन व्हॅन बीक