IND vs IRE 1st T20I News: भारत विरुद्ध आयर्लंडचा तीन सामन्यांची मालिका डबलिनमध्ये सुरू आहे. या सामन्यात कर्णधार जसप्रीत बुमराहने नाणेफेक जिंकून प्रथम गोलंदाजी करण्याचा निर्णय घेतला आहे. पहिल्या पॉवरप्लेमध्ये आयर्लंडचा निम्मा संघ गारद झाला. या आयर्लंडने भारताला जिंकण्यासाठी १४० धावांचे आव्हान दिले आहे. (Latest Marathi News)

प्रथम फलंदाजी करण्यासाठी उतरलेल्या आयर्लंड संघाची सुरुवात खूपच खराब झाली. आयर्लंडचा निम्मा संघ अवघ्या ३१ धावांवर बाद झाला. ११ महिन्यांनतर टीम इंडियात पदार्पण करणाऱ्या जसप्रीत बुमराहने पहिल्या षटकात आयर्लंडचे दोन गडी बाद केले.

बुमराहने अँड्रयू बालबर्नी आणि लार्केन टकरला बाद केले. त्यानंतर रवी बिष्णोईने पॉल स्टर्लिंगला बाद केले. तर कृष्णाने हॅरी आणि डॉकरेलला बाद केले.

रवि बिष्णोईच्या फिरकीने पुन्हा एकदा चमत्कार करत आयर्लंडचा सहावा गडी गारद केला. एडायर १६ धावांवर बाद झाला. पुढे कर्टिस कँपर आणि बॅरी मॅक्कार्थीने संघाची कमान सांभाळत धावसंख्या १०० पार केली. या दोघांनी अर्धशतकी भागिदारीही रचली.

जसप्रीत बुमराहने २ गडी बाद केले. त्याने चार षटकात २४ धावा दिल्या. अर्शदीप सिंगने १ गडी बाद केला. कृष्णाने २ गडी बाद केले. तर रवि बिष्णोईनेही २ गडी बाद केले. आयर्लंड संघाने या सामन्यात भारताला १४० धावांचे आव्हान दिले.

तत्पूर्वी, ११ महिन्यानंतर संघात पदार्पण करणारा जसप्रीत बुमराह प्रचंड फॉर्ममध्ये असल्याचे दिसत आहे. या मालिकेत आयपीएलमधील स्टार खेळाडू ऋतुराज गायकवाड, रिंकू सिंह, जितेश शर्मा देखील खेळताना दिसू शकतात.