ढाका (बांगलादेश) : आशियाई करंडक अजिंक्यपद हॉकी स्पर्धेत (Asian Champions Trophy Hockey 2021) भारतीय संघाने पाकिस्तानला ३-१ असे नमविले. हरमनप्रीत सिंगने आकाशदीप सिंगने केलेल्या मैदानी गोलच्या दोन्ही बाजूने दोन पेनल्टी कॉर्नर बदलून भारताने (india) त्यांच्या तिसऱ्या राउंड-रॉबिन गटात पाकिस्तानवर (pakistan) विजय मिळविला. खेळाच्या तिसर्‍या सत्रात जुनैदने पाकिस्तान संघाकडून एक गोल नाेंदविला. india vs pakistan hockey news

या सामन्याच्या प्रारंभापासून भारतीय संघातील खेळाडूंमध्ये जाेश हाेता. खेळाडूंनी समन्यवचा खेळ करीत मध्यतंरास पाकिस्तानवर १-० अशी आघाडी घेतली हाेती. यामध्ये हरमनप्रीतची कामगिरी सरस ठरली. सामन्याच्या तिस-या सत्रात आकाशदीपने पाकिस्तानवर आणखी एक गाेल चढविला. परंतु काही वेळातच जूनैद गोल नाेंदवित पाकिस्तान संघाचे खाते उघडले. चाैथ्या सत्रात हरमनप्रीतने उत्कृष्ट खेळाचे प्रदर्शन घडविले. आकाशदीपचे काही फटके लक्षणीय हाेते परंतु त्याचे रुपातांर गुणांमध्ये हाेऊ शकले नाही. शेवटच्या काही मिनिटांत पाकिस्तान संघाने आक्रमणावर भर दिला परंतु हरमनप्रीतने आणखी एक गाेल चढवित पाकिस्तान संघावर दबाव ठेवत भारतीय संघाच्या विजयावर शिकामाेर्तब केला.

टोकियो ऑलिम्पिक कांस्यपदक विजेत्या भारतीय संघाने यापुर्वीच्या सामन्यात यजमान बांगलादेशचा ९-० असा पराभव केला. या सामन्यात दिलप्रीत सिंगने शानदार हॅटट्रिक केली तर जर्मनप्रीत सिंगनेही पेनल्टी कॉर्नरवरुन शानदार गोल केला. ललित उपाध्याय, आकाशदीप सिंग, मनदीप मोर यांनीही विजयात वाटा उचलला. भारताला स्पर्धेच्या सलामीच्या लढतीत कोरियाने २-२ अशी बरोबरी साधली होती. भारत तीन सामन्यांत सात गुणांसह आघाडीवर आहे.

edited by : siddharth latkar