भारत अफगाणिस्तान ट्वेन्टी-२० मालिकेत भारताने मोहालीत झालेला सामना ६ गडी राखून जिंकला होता. या विजयामुळे संघाने मालिकेतील १-० अशी आघाडी मिळवली आहे. तीन सामन्यांच्या या मालिकेतील दुसरा सामना आज होत असून मालिकेत विजयी आघाडी घेण्याचा प्रयत्न असेल. दरम्यान विराट कोहली १४ महिन्यांनंतर T20 मध्ये पुनरागमन करत आहे. मोहालिच्या सामन्यात खेळला नव्हता त्यामुळे या सामन्यात सर्वांच्या नजरा विराट कोहली आणि कर्णधार रोहित शर्मावर असतील. पहिल्या सामन्यात रोहित शर्मा शून्यावर बाद झाला होता.

मागच्या सामन्यात खातेही न खोलता आलेल्या रोहितवरही या सामन्यात चांगली खेळी करण्याचं दडपण असेल. विराटचं संघात पुनरागमन झाल्यामुळे या सामन्यासाठी संघातही बदल पाहायला मिळू शकतात. विश्वचषक डोळ्यासमोर ठेवून रोहित शर्मा या सामन्यातही नवीन प्रयोग करताना दिसत आहे. या सामन्यात भारतीय संघ दोन फिरकी गोलंदाजांसह मैदानावर उतरु शकतो. यात वेगवान गोलंदाज आवेश खानला प्लेइंग ११ मध्ये खेळण्याची संधी मिळू शकते.

('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

भारत अफगाणिस्तान प्लेइंग-11

भारत: रोहित शर्मा (कॅप्टन), यशस्वी जयसवाल/शुभमन गिल, विराट कोहली, शिवम दुबे, रिंकू सिंह, जितेश शर्मा (विकेटकीपर), अक्षर पटेल, वॉशिंगटन सुंदर, कुलदीप यादव/रवी बिश्नोई, अर्शदीप सिंह , मुकेश कुमार/आवेश खान.

अफगाणिस्तान: रहमानुल्लाह गुरबाज (विकेटकीपर), हजरतुल्लाह जजई/रहमत शाह, इब्राहिम जादरान (कॅप्टन), अजमतुल्लाह उमरजई, मोहम्मद नबी, नजीबुल्लाह जादरान, करीम जनत, गुलबदीन नायब, मुजिब उर रहमान, नवीन-उल- हक, फजलहक फारूकी.