India vs Pakistan Asia Cup 2022 Match : आजच्या पाकिस्तान विरुद्धच्या सामन्यात टीम इंडियाच्या हार्दिक पांड्याने विजयाचा षटकार मारत विजय खेचून आणला. शेवटपर्यंत हा सामना रोमहर्षक राहिला, टीम इंडियाही सामन्याच्या शेवटला दडपणाखाली आली होती, पण हार्दिक पांड्याने विजय खेचून आणला.

नाणेफेक जिंकून टीम इंडियाने पहिल्यांदा गोलंदाजी करण्याचा निर्णय घेतला, त्यानंतर गोलंदाजांनी शानदार गोलंदाजी करताना पाकिस्तानला सुरुवातीपासूनच दडपणाखाली ठेवले. त्यामुळे संपूर्ण संघ १९.५ षटकांत १४७ धावांत गारद झाला. भुवनेश्वर कुमारने बाबर आझमला बाद करून पाकिस्तानला पहिली झटका दिला. यानंतर भारतीय गोलंदाजांनी पाकिस्तान संघाला बॅकफूटवर ठेवले. भुवीने चार आणि हार्दिक पांड्याने तीन विकेट घेतल्या. पुढ टीम इंडियाची सुरुवातही खराब झाली.

टीम इंडियापुढे पाकिस्तानने प्रथम फलंदाजी करत १४८ धावांच आव्हान ठेवलं. या सामन्यात पाकिस्तानच्या मोहम्मद रिझवानने संघासाठी सर्वाधिक ४३ धावा केल्या. पारंपारिक प्रतिस्पर्धी असलेल्या पाकिस्तानच्या विरोधात फलंदाजी करण्यासाठी उतरलेल्या भारतीय संघाचे सुरुवातील तीन गडी स्वस्तात माघारी परतले. त्यानंतर भारताने संयमी खेळ दाखवत पाकिस्तानला धूळ चारली.

पाकिस्तान टीमच्या विरोधात फलंदाजीसाठी उतरलेली टीम इंडियाचे दोन षटकानंतर एक विकेटसह १० धावा झाल्या होत्या. कर्णधार रोहित शर्माने केवळ १२ धावा करत झेलबाद झाला. रोहित पाठोपाठ विराट कोहली देखील झेलबाद झाला. टीम इंडियाचा अर्धा डाव संपला, तेव्हा भारताचा तीन विकेट गमावून ६२ धावा झाल्या होत्या. त्यानंतर सुर्यकुमारही १८ चेंडूमध्ये १८ धावा करत बाद झाला. त्यामुळे टीम इंडिया दडपणाखाली आली होती. पण ऑलराऊंडर असणाऱ्या हार्दिक पांड्याने विजय खेचून आणला.