Virat Kohli And Rohit Sharma Record In World Cup Semi Final:

वनडे वर्ल्डकप २०२३ स्पर्धेतील पहीला सेमीफायनलचा थरार भारत आणि न्यूझीलंड या दोन्ही संघांमध्ये रंगणाार आहे. यापूर्वी हे दोन्ही संघ २०१९ मध्ये झालेल्या वर्ल्डकप स्पर्धेच्या सेमीफायनलमध्ये आमने सामने आले होते.

मुंबईच्या वानखेडे स्टेडियमवर होणाऱ्या सामन्यात भारतीय संघाला पराभवाची परतफेड करण्याची संधी असणार आहे. दरम्यान भारतीय संघातील प्रमुख फलंदाज विराट कोहली आणि रोहित शर्माची बॅट या सामन्यात चालणं अतिशय गरजेचं असणार आहे.

विराट कोहली आणि रोहित शर्माची जोडी वनडे वर्ल्डकप स्पर्धेत दमदार फॉर्ममध्ये असल्याचं दिसून आलं आहे. मात्र सेमीफायनलच्या सामन्यात या दोन्ही खेळाडूंचा रेकॉर्ड चिंता वाढवणारा राहिला आहे. त्यामुळे भारतीय संघाला हा सामना जिंकायचा असेल तर रोहित शर्मा आणि विराट कोहलीने न्यूझीलंडच्या गोलंदाजांची धुलाई करणं अतिशय महत्वाचं असणार आहे.

वर्ल्डकप सेमीफायनलमधय्ये विराट, रोहितची कामगिरी...

विराट कोहली आपला चौथा वर्ल्डकप खेळतोय. यापूर्वी त्याला ३ वनडे वर्ल्डकप खेळण्याचा अनुभव आहे. मुख्य बाब म्हणजे या ३ स्पर्धेत भारतीय संघाने सेमीफायनलमध्ये प्रवेश केला आहे. भारतीय संघाने २०११ वर्ल्डकप स्पर्धेत जेतेपदाला गवसणी घातली होती.

या स्पर्धेतील सेमीफायनलच्या सामन्यात भारत आणि पाकिस्तान हे दोन्ही संघ आमने सामने आले होते. या सामन्यात त्याला केवळ ९ धावा करता आल्या होत्या. तर २०१५ मध्ये झालेल्या ऑस्ट्रेलियाविरुद्ध सेमीफायनलच्या सामन्यात विराट कोहली १ धाव करत माघारी परतला होता. २०१९ वर्ल्डकपच्या सेमीफायनलमध्येही विराटने निराशाजनक कामगिरी केली होती. या सामन्यातही तो १ धाव करत माघारी परतला होता. (Latest sports updates)

रोहित शर्मा तिसरा वर्ल्डकप खेळतोय. तर कर्णधार म्हणून हा त्याचा पहिलाच वर्ल्डकप आहे. २०१५ मध्ये ऑस्ट्रेलियाविरुद्ध झालेल्या सामन्यात त्याला अवघ्या ३४ धावा करता आल्या होत्या. तर २०१९ मध्ये झालेल्या वर्ल्डकप सेमीफायनलमध्ये तो १ धाव करत माघारी परतला होता. या दोन्ही खेळाडूंना सेमीफायनलमध्ये मोठी खेळी करता आलेली नाही. त्यामुळे हा सामना जर भारतीय संघाला जिंकायचा असेल तर या दोन्ही खेळाडूंनी मोठी खेळी करणं गरजेचं असणार आहे.