Kuldeep Yadav News : २०१७ साली धर्मशाळा स्टेडियमवरऑस्ट्रेलियाच्या विरुद्ध डेब्यू टेस्ट सामनाच्या पहिल्या डावात ४ विकेट घेऊन कुलदीप यादवने सर्वाचं लक्ष वेधून घेतलं आहे. डावखुरा फिरकी गोलंदाजाने मोठ्या दिमाखात ४ गडी बाद केल्याने टीम इंडियाला नवा सूर सापडला आहे. कुलदीप सध्या आठवा कसोटी सामना खेळत आहे. २२ महिन्यांनी कसोटी सामन्यात वापसी करत कुलदीपने बांग्लादेशच्या फलंदाजांचा धुव्वा उडवला आहे. (Latest Marathi News)

चट्टोग्राम कसोटी सामन्याच्या दुसऱ्या दिवशी भारताने (Team India) पहिल्या डावात ४०४ धावांचा डोंगर उभा केला. तर दुसरीकडे बांग्लादेशने १३३ धावा करत ८ गडी गमावले आहेत. यातील ८ पैकी ४ गडी कुलदीप यादवने घेतले आहेत. बांग्लादेशचे ४ गडी बाद केल्याने त्याच्यावर भारतीयांकडून कौतुकाचा वर्षाव होत आहे.

शाकिब- मुशफिकूरला तंबूत परतवलं...

कुलदीपने दुसऱ्या दिवशी १० षटकात ३३ धावा देऊन ४ गडी बाद केले. यात बांग्लादेशच्या दोन दिग्गज फलंदाजांमध्ये कर्णधार शाकिब अल हसन आणि माजी कर्णधार मुशाफिकूर रहीमचा सामावेश आहे. २८ वर्षांच्या कुलदीपने दोघांना चांगलंच गुंडाळलं. शाकिबला झेलबाद केलं तर मुशफिकूरला पायचित केले.

दुखापतीनंतरही केली जबरदस्त गोलंदाजी

फेब्रुवारी २०२१ मध्ये इंग्लंडच्या विरुद्ध पहिली टेस्ट खेळणाऱ्या कुलदीपने सांगितले की, 'मी जरा चिंतेत होतो की, पण माझं नशीब चांगलं की, मला पहिल्याच षटकात विकेट मिळाला. दुखापत झाल्यानंतरही गोलंदाजीवर चांगलं काम केलं आहे. त्यामुळे याचा मला फायदा झाला आहे.

फलंदाजी देखील केली तुफान

कुलदीपने केवळ ४ गडी बाद नाही केले, तर फलंदाजी तुफान केली. डावखुऱ्या कुलदीपने टीम इंडियाच्या २९३ धावानंतर तसेच ७ गडी बाद झाल्यानंतर रविचंद्रन अश्विनसोबत मिळून भारताचा डाव सावरला. दोघांनी आठव्या विकेटसाठी ९२ धावांची भागिदारी केली. कुलदीपने टेस्ट करिअरमध्ये ११४ चेंडूमध्ये ४० धावा केल्या.