Team India Saam Tv
Sports

Team India: इंदूर कसोटीनंतर एका भारतीय खेळाडूचं करिअरही संपणार? सुमार कामगिरीमुळे सगळेच नाराज

Cricket News : विकेटकीपर फलंदाज केएस भरतला टीम इंडियातून पुढच्या कसोटीसाठी ड्रॉप केले जाऊ शकते.

साम टिव्ही ब्युरो

IND vs AUS 3rd Test: इंदूर येथील तिसऱ्या कसोटीत भारताला लाजिरवाण्या पराभवाला सामोरं जावं लागलं. आजच्या सामन्यासह एका खेळाडूचं करिअर देखील संपण्याची चिन्ह आहे. टीम इंडियासाठी या खेळाडूनं संधी मिळूनही अत्यंत निराशाजनक कामगिरी केली आहे.त्यामुळे या खेळाडू प्लेईंग 11 मध्ये संधी मिळण्याची शक्यता फारच कमी झाली आहे. अनेकजण या खेळाडूला पुन्हा संधी देऊ नये असं म्हणत आहेत.

विकेटकीपर फलंदाज केएस भरतला टीम इंडियातून पुढच्या कसोटीसाठी ड्रॉप केले जाऊ शकते. अहमदाबादमध्ये 9 मार्चपासून सुरू होणाऱ्या चौथ्या आणि शेवटच्या कसोटी सामन्यात इशान किशनला संधी मिळू शकते. केएस भरत ऑस्ट्रेलियाविरुद्ध नागपूर, दिल्ली आणि इंदूर येथे खेळल्या गेलेल्या 3 कसोटी सामन्यांमध्ये सपशेल फ्लॉप ठरला आहे. त्याच्या ब‌टमधून अवघ्या 57 धावा निघाल्या. नागपूर, दिल्ली आणि इंदूर कसोटी सामन्यांच्या स्पिनर खेळपट्ट्यांवर केएस भरत विकेटकीपिंगदरम्यान देखील स्ट्रगल करताना दिसला.

इंदूरमध्ये ऑस्ट्रेलियाविरुद्धच्या तिसऱ्या कसोटी सामन्यात केएस भरतने केवळ 17 आणि 3 धावा केल्या. केएस भरतच्या फलंदाजीत एक्स फॅक्टरही नव्हता, ज्यामुळे ऋषभ पंत किंवा ईशान किशन सारख्या खेळाडूंची कमी भासली. ज्या क्रमांकावर केएस भरत मधल्या फळीत फलंदाजी करतो, तिथे टीम इंडियाला एका स्फोटक फलंदाजाची उणीव भासत आहे. ऑस्ट्रेलियाविरुद्धच्या नागपूर, दिल्ली आणि इंदूर कसोटी सामन्यात केएस भरतने केवळ 8, 6, 23 (नाबाद), 17 आणि 3 धावा केल्या. पण टीम इंडियाला केएस भरतकडून आक्रमक यष्टीरक्षक फलंदाजीची गरज आहे. (Latest sports updates)

ईशान किशनचा बॉर्डर-गावस्कर मालिकेसाठी यष्टीरक्षक म्हणून टीम इंडियामध्ये समावेश करण्यात आला आहे. ऋषभ पंतच्या अपघातानंतर संघाला खालच्या मधल्या फळीत एका स्फोटक फलंदाजाची गरज होती. यामुळे ईशान किशनचा संघात समावेश करण्यात आला होता. मात्र पहिल्या 3 सामन्यात ईशान किशनला खेळण्याची संधी मिळाली नाही.

ईशान किशनच्या जागी केएस भरत खेळला. फलंदाजीत केएसची कामगिरी खूपच निराशाजनक होती. केएस भरतकडून अपेक्षित फलंदाजी करता आलेली नाही. यामुळे संघ व्यवस्थापन ईशान किशनला विकेटकीपर फलंदाज म्हणून संधी देऊ शकते.

ईशान किशनचा धमाकेदार खेळ पाहता त्याला केएस भरतपेक्षा पसंती मिळेल असे मानले जात आहे. अशा स्थितीत केएस भरतला ऑस्ट्रेलियाविरुद्धच्या चौथ्या कसोटी सामन्याच्या प्लेइंग इलेव्हनमधून बाहेर बसावे लागणार आहे. सहाव्या क्रमांकावर ईशान किशन टीम इंडियाची पहिली पसंती असेल.

सकाळ+चे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Solapur Firing : राज्यात चाललंय काय? गाणी लावण्याच्या वादातून राडा; थेट कला केंद्रात गोळीबार

Beed Accident : बीडमध्ये भीषण अपघात, माजी सरपंच आणि नातीचा जागीच मृत्यू, पत्नी गंभीर जखमी

PM Kisan Yojana: 'त्या' शेतकऱ्यांना मिळणार नाही पीएम किसान योजनेचा हप्ता, कारण काय? वाचा

Vice President Election: उपराष्ट्रपती पदाच्या मतदानावेळी India आघाडीची नाही, तर BJPची मतं फुटली; राष्ट्रवादीच्या नेत्याचा दावा

Nepal News : महाराष्ट्रातील १०० पर्यटक नेपाळमध्ये अडकले, सर्वाधिक पर्यटक 'या' जिल्ह्यातील | VIDEO

SCROLL FOR NEXT