Hong Kong Super Sixes Live Telecast And Match Details: भारतीय संघ सध्या बांगलादेशविरुद्ध ३ टी-२० सामन्यांची मालिका खेळण्यात व्यस्त आहे. ही मालिका झाल्यानंतर भारतीय संघाला न्यूझीलंडविरुद्ध ३ कसोटी सामन्यांची मालिका खेळायची आहे.

या मालिकेसाठी भारतीय संघाची घोषणा करण्यात आली आहे. दरम्यान आणखी एका स्पर्धेसाठी भारतीय संघाची घोषणा करण्यात आली आहे. या संघाची जबाबदारी माजी खेळाडू रॉबिन उथप्पाकडे सोपवण्यात आली आहे.

हाँगकाँगमधील सुपर सिक्स स्पर्धा ही जगप्रसिद्ध आहे. गेले काही वर्ष ही स्पर्धा बंद पडली होती. मात्र हाँगकाँग क्रिकेट असोसिएशनने पुन्हा एकदा या स्पर्धची घोषणा केली आहे. या स्पर्धेत भारतीय संघाची धूरा रॉबिन उथप्पाकडे असणार आहे. रॉबिन उथप्पासह ७ सदस्यीय भारतीय संघाची घोषणा करण्यात आली आहे.

हाँगकाँग सुपर सिक्स स्पर्धेसाठी असा आहे भारतीय संघ:

रॉबिन उथप्पा (कर्णधार) केदार जाधव, मनोज तिवारी, शाहबाज नदीम, भरत चिपली,स्टूअर्ट बिन्नी, श्रीवस्त गोस्वामी.

केव्हा होणार सुरुवात?

हाँगकाँग सुपर सिक्सेस स्पर्धेला येत्या १ नोव्हेंबरपासून सुरुवात होणार आहे. तर स्पर्धेतील फायनलचा सामना ३ नोव्हेंबरला होणार आहे. भारतीय संघाचा पहिला सामना १ नोव्हेंबर रोजी होणार आहे. हा सामना कट्टर प्रतिस्पर्धी भारत आणि पाकिस्तान या दोन्ही संघांमध्ये होणार आहे.

कुठे पाहता येणार लाईव्ह?

ही स्पर्धा हाँगकाँगमध्ये होणार आहे. मात्र तुम्हालाही प्रश्न पडलाच असेल की, या स्पर्धेचे लाईव्ह प्रसारण कुठे पाहायला मिळेल. तर या स्पर्धेतील सामने तुम्ही स्टारस्पोर्ट्सवर लाईव्ह पाहू शकता. यासह या स्पर्धेबाबतचे सर्व अपडेट्स तुम्हाला www.saamtv.esakal.com वर पाहायला मिळतील.