England vs Afghanistan News:

वर्ल्डकप स्पर्धेतील १३ वा सामना इंग्लंड आणि अफगाणिस्तान या दोन्ही संघांमध्ये सुरु आहे. दिल्लीच्या अरूण जेटली स्टेडियमवर सुरू असलेल्या या सामन्यात अफगाणिस्तानने प्रथम फलंदाजी करताना ५० षटक अखेर २८४ धावांचा डोंगर उभारला आहे. इंग्लंडला वर्ल्डकप २०२३ स्पर्धेतील आपला दुसरा विजय मिळवण्यासाठी २८५ धावांची गरज आहे.

या सामन्यात इंग्लंडने नाणेफेक जिंकून प्रथम गोलंदाजी करण्याचा निर्णय घेतला. दिल्लीच्या धावांचा पाठलाग केला जाऊ शकतो. म्हणून इंग्लंडने हा निर्णय घेतला. अफगाणिस्तान संघाकडून डावाची सुरूवात करताना रहमानुल्लाह गुरबाजने ८० धावांची खेळी केली. तर इब्राहीम जदरानने २८ धावा चोपल्या. या दोघांनी शतकी भागीदारी करत संघाला चांगली सुरूवात करून दिली. (Latest sports updates)

मध्यक्रमात इब्राहीम अलिखीलने ६६ चेंडूंचा सामना करत ५८ धावांची खेळी केली. तर राशिद खानने २३ धावांचं योगदान दिलं. त्यानंतर फलंदाजी करण्यासाठी आलेल्या मुजीब उर रहमानने १६ चेंडूंचा सामना करत २८ धावांची तुफानी खेळी केली.