Amellia Kerr Runout Controversy: भारतीय महिला संघ आणि न्यूझीलंड महिला संघांमध्ये आयसीसी महिला टी -२० वर्ल्डकप स्पर्धेतील सामना पार पडला. भारतीय संघाचा हा या स्पर्धेतील पहिलाच सामना होता. या सामन्यात भारताला पराभवाचा सामना करावा लागला आहे. दरम्यान या सामन्यात भारताची कर्णधार हरमनप्रीत कौर थेट अंपायरसोबत भिडल्याचे पाहायला मिळाले आहे. ज्याचा व्हिडिओ सध्या सोशल मीडियावर तुफान व्हायरल होतोय. नेमकं काय घडलं? जाणून घ्या.

तर झाले असे की, भारतीय संघाची गोलंदाजी सुरू असताना १४ वे षटक टाकण्यासाठी दिप्ती शर्मा गोलंदाजीला आली. या षटकातील शेवटच्या चेंडूवर फलंदाजी करत असलेल्या अमेलिया केरने लाँग ऑफच्या दिशेने शॉट मारला आणि धाव घेण्याचा प्रयत्न केला.

त्यावेळी हरमनप्रीत कौरने चेंडू अडवला आणि यष्टिरक्षक ऋचा घोषकडे फेकला. त्यावेळी ऋचाने डाईव्ह मारली आणि तिला धावबाद केलं. त्यावेळी भारतीय खेळाडू जोरदार जल्लोष करताना दिसून आले. अमेलिया केरही माघारी जात होती. मात्र तेव्हाच अंपायरने तिला परत बोलवलं.

अंपायरने तिला परत बोलवल्यानंतर हरमनप्रीत कौरचा पारा चढला. यासह संघाचे प्रशिक्षक अमोल मजुमदार यांनाही नक्की काय झालंय हे समजलं नाही. त्यावेळी हरमनप्रीत कौर, स्मृती मंधाना प्रशिक्षक देखील अंपायरसोबत चर्चा करताना दिसून आले.

तर झाले असे की, ज्यावेळी हरमनप्रीत सिंगने थ्रो केला त्याआधीच अंपायरने ओव्हर समाप्तीची घोषणा केली होती. गोलंदाजानेही आपली कॅप अंपायरकडे दिली होती. त्यामुळे तिला बाद घोषित करण्यात आलं नाही.

अमेलिया केरला जीवदान मिळालं, पण ती फार काळ मैदानावर टिकू शकली नाही. १४ व्या षटकात धावबाद होताना बचावलेली अमेलिया केर २ चेंडूंनंतर म्हणजे १५ व्या षटकात बाद होऊन माघारी परतली. तिला या डावात २२ चेंडूत अवघ्या १३ धावा करता आल्या