Chess World Cup 2023 Praggnanandhaa vs carlsen Final :

जागतिक बुध्दिबळ स्पर्धेचा अंतिम सामना नुकताच पार पडला. या सामन्यात जागतिक क्रमवारीत दुसऱ्या स्थानी असलेला मॅग्नस कार्लसन आणि भारताचा १८ वर्षीय ग्रँडमास्टर प्रज्ञानंद हे आमने सामने होते.

या सामन्यात प्रज्ञानंदला उपविजेतेपदावर समाधान मानावे लागले आहे. प्रज्ञानंद हा जागतिक बुध्दिबळ स्पर्धेत उपविजेता होण्याचा मान पटकावणारा सर्वात युवा बुध्दिबळपटू ठरला आहे.

हे दोघे खेळाडू मंगळवारी अंतिम सामना खेळण्यासाठी आमने सामने आले होते. या सामन्यात प्रज्ञानंद सफेद तर कार्लसन काळ्या रंगाच्याा सोंगट्यांसह खेळत होते.कार्लसनने हा सामना जिंकण्याचा प्रयत्न केला. मात्र प्रज्ञानंदने रक्षात्मक खेळ करत हा सामना वाचवला. शेवटी दोन्ही खेळाडूंनी हात मिळवण्याचा निर्णय घेतला आणि हा सामना ड्रॉवर समाप्त झाला होता.(Latest sports updates)

बुधवारी देखील हे दोन्ही खेळाडू आमने सामने आले होते. या सामन्यात कार्लसन सफेद तर प्रज्ञानंद काळ्या रंगाच्या सोंगट्यांसह खेळत होते. या सामन्याची ज्याप्रकारे सुरुवात झाली त्यावरून असं वाटत होतं की,हा सामना ड्रॉवर समाप्त होणार आणि शेवटी हेच झालं. आता टाय ब्रेकर सामन्यात मॅग्नस कार्लसनने प्रज्ञानंदला पराभूत करत जेतेपदाला गवसणी घातली आहे.