CSK vs RCB IPL Match :

आयपीएलचा १७ वा हंगाम सुरु झाला आहे. आयपीएल २०२४ मध्ये पहिला सामना चेन्नई सुपर किंग्स आणि रॉयल चॅलेंजर्स बेंगळुरु या दोन्ही संघात सामना सुरु आहे. या सामन्यात रॉयल चॅलेंजर्स बेंगळुरुने प्रथम फलंदाजी करत चेन्नई सुपर किंग्सला १७४ धावांचं आव्हान दिलं. आरसीबीने दिलेल्या धावांचं आव्हान चेन्नई सुपर किंग्सच्या फलंदाजांनी यशस्वीपणे पूर्ण केलं. चेन्नईने सहा गडी राखून आरसीबीवर विजय मिळवला. (Latest Marathi News)

आरसीबीने दिलेल्या धावसंख्येचा पाठलाग करताना कर्णधार ऋतुराज गायकवाडने १५ धावा कुटल्या. ऋतुराजने या डावात तीन चौकार लगावले. त्यानंतर चौथ्या षटकात यश दयाल तंबूत परतला. पुढे रचिन रवींद्रने १५ चेंडूत ३७ धावा कुटल्या. त्याने या डावात ३ चौकार आणि तीन षटकार लगावले. सातव्या षटकात रचिन बाद झाला.

रचिनला कर्ण शर्माला बाद केलं. त्यानंतर अंजिक्य रहाणे ११ व्या षटकात बाद झाला. अंजिक्य रहाणेने १९ चेंडूत २७ धावा करून बाद झाला. ग्रीनने रहाणेला बाद केलं. पुढे ग्रीनने १३ व्या षटकात डेरिल मिचेलला बाद केले. डेरिलने १८ चेंडूत २२ धावा कुटल्या. त्यानंतर मैदानात उतरलेल्या शिवम दुबे आणि रवींद्र जडेजाने तडाखेबाज खेळ दाखवला. दोघांच्या दमदार खेळीने चेन्नई सुपर किंग्सने रॉयल चॅलेंजर बेंगळुरूने धूळ चारली.

आरसीबीच्या रावत आणि कार्तिकने डाव सावरला

आरसीबीने २० षटकात ६ गडी गमावून १७३ धावा कुटल्या. आरसीबीसाठी मुस्तफिजुर रहमानने ४ गडी बाद केले. आरसीबीचे सुरुवातीचे फलंदाज झटपट बाद झाले. मात्र, त्यानंतर अनुज रावत आणि दिनेश कार्तिकने संघाचा डाव सावरला. या दोघांनी ९५ धावांची भागीदारी रचली. शेवटच्या चेंडूपर्यंत दोघांनी भागीदारी कायम ठेवली.

आरसीबीचा कर्णधार फाफने २० चेंडूत ३५ धावा कुटल्या. विराट कोहलीने २० चेंडूत २१ धावा कुटल्या. फाफ आणि विराटने पहिल्या विकेटसाठी ४१ धावांची भागीदारी रचली. रजत पाटीदार शुन्यावर बाद झाला.

दीपक चहरने सहाव्या षटकात ग्लेन मॅक्सवेलला बाद केले. १२ व्या षटकात विराट कोहली आणि कॅमरुन ग्रीन बाद झाले. आरसीबीने ७८ धावांवर पाच गडी गमावले होते. त्यानंतरप रावत आणि कार्तिकने संघाचा डाव सावरला. या दोघांच्या जीवावर आरसीबीने १७४ धावांचं आव्हान दिलं.