या सामन्यात ऑस्ट्रेलियाकडून मिचेल स्टार्कने १ गडी बाद केला. यासह तो वर्ल्डकप स्पर्धेच्या इतिहासात सर्वाधिक गडी बाद करणारा गोलंदाज ठरला आहे.

यापूर्वी हा रेकॉर्ड लसिथ मलिंगाच्या नावावर होता. आता मिचेल स्टार्कने त्याला मागे सोडत अव्वल स्थान गाठलं आहे.

मिचेल स्टार्कने वर्ल्डकप स्पर्धेतील इतिहासात आतापर्यंत ९५ गडी बाद केले आहेत. (वनडे- ६५, टी-२० ३०)

लसिथ मलिंगाच्या नावावर वर्ल्डकप स्पर्धेत ९४ गडी बाद करण्याची नोंद आहे. ( वनडे-५६, टी-२० -३८)

बांगलादेशचा अष्टपैलू खेळाडू शाकिब अल हसनच्या नावे वर्ल्डकप स्पर्धेतील इतिहासात ९२ गडी बाद करण्याची नोंद आहे. (वनडे ४३, टी-२० ४९)

न्यूझीलंडचा वेगवान गोलंदाज ट्रेन्ट बोल्टने वर्ल्डकप स्पर्धेच्या इतिहासात ८७ गडी बाद केले आहेत. (वनडे ५३, टी-२० - ४९)

श्रीलंकेचा दिग्गज गोलंदाज मुथय्या मुरलीधरनचा देखील या यादीत समावेश आहे. मुरलीधरनने वर्ल्डकप स्पर्धेच्या इतिहासात ७९ गडी बाद केले आहेत. ( वनडे ६८, टी-२० ११)