भारत आणि ऑस्ट्रेलिया यांच्यामध्ये पहिला टेस्ट सामना खेळवण्यात येतोय. या सामन्यात जसप्रीत बुमराहच्या नेतृत्वाखाली टीम इंडियाने टॉस जिंकला असून पहिल्यांदा फलंदाजीचा निर्णय घेतला आहे. दरम्यान या सामन्यात टीम इंडियामध्ये मोठा फेरबदल झाला असून यावेळी एका महान फलंदाजाचा प्रवेश झाला आहे. या सामन्यात रोहित शर्मा खेळणार नाहीये.

टीम इंडिया सध्या ऑस्ट्रेलिया दौऱ्यावर आहे. या ठिकाणी टीम इंडियाला पाच सामन्यांची टेस्च सिरीज खेळायची आहे. वर्ल्ड टेस्ट चॅम्पियनशिप (WTC) च्या पॉईंट्स टेबलमध्ये पोहोचण्यासाठी भारतासाठी ही टेस्ट सिरीज देखील खूप महत्त्वाची आहे. पहिला सामना हा पर्थमधील ऑप्टस स्टेडियमवर खेळवला जातोय.

या खेळाडूचा टीममध्ये अचानक समावेश

वैयक्तिक कारणामुळे रोहित शर्मा या सामन्यात सहभागी होणार नाहीये. अशा परिस्थितीत जसप्रीत बुमराह भारतीय संघाचे नेतृत्व करतोय. या सामन्यापूर्वी टीम इंडियामध्ये मोठा बदल पाहायला मिळतोय. बीसीसीआयने पहिल्या टेस्टसाठी डावखुरा फलंदाज देवदत्त पडिक्कलचा टीममध्ये समावेश केला आहे. बीसीसीआयने ट्विट करून ही माहिती दिली आहे.

पर्थ टेस्टसाठी कशी आहे टीम इंडियाची प्लेईंग ११?

केएल राहुल, यशस्वी जयस्वाल, देवदत्त पडिक्कल, विराट कोहली, ऋषभ पंत (विकेटकीपर), ध्रुव जुरेल, नीतीश रेड्डी, वॉशिंग्टन सुंदर, हर्षित राणा, जसप्रीत बुमराह (कर्णधार), मोहम्मद सिराज.