Matheesha Pathirana Injury:

आयपीएल २०२४ स्पर्धा तोंडावर असताना एमएस धोनीच्या नेतृत्वाखाली खेळणाऱ्या चेन्नई सुपर किंग्ज संघाला मोठा धक्का बसला आहे. संघातील गोलंदाज मथिशा पथिराना हॅमस्ट्रिंगच्या दुखापतीमुळे सुरुवातीच्या काही सामन्यांमधून बाहेर पडला आहे. तो बांगलादेशविरुद्ध पार पडलेल्या दुसऱ्या टी-२० सामन्यादरम्यान दुखापतग्रस्त झाला होता. त्यामुळे तो पुढे गोलंदाजी करु शकला नव्हता. त्यानंतर तिसऱ्या सामन्यातूनही पार पडला होता.

ईएसपीएनक्रिकइन्फोच्या वृत्तानुसार, पथिराना श्रीलंका क्रिकेटच्या फिजिओसोबत रिहॅब करतोय. तो पूर्णपणे फिट नसल्याने त्याला श्रीलंका क्रिकेट बोर्डकडून खेळण्याची अनुमती देण्यात आलेली नाही. श्रीलंका क्रिकेटकडून अनुमती मिळताच तो संघासोबत जोडला जाईल. आगामी हंमाम सुरु होण्यापूर्वी सीएसकेला मोठे धक्के बसले आहेत. कारण संघातील प्रमुख फलंदाज डेवोन कॉनव्हे दुखापतग्रस्त आहे. आता पथिराना देखील दुखापतग्रस्त आहे. हा चेन्नई सुपर किंग्ज संघासाठी दुहेरी धक्का आहे. (Cricket news in marathi)

मथिशा पथिरानाने गेल्या हंगामात संघासाठी शानदार कामगिरी केली होती. तो डेथ ओव्हर्समध्ये फलंदाजांसाठी कर्दनकाळ ठरला होता. गेल्या हंगामातील १४ सामन्यांमध्ये त्याने २१ गडी बाद केले होते. मथिशा पथिरानाच्या अनुपस्थितीत वेगवान गोलंदाज मुस्तफिजुर रहमानला खेळण्याची संधी दिली जाऊ शकते.

या स्पर्धेसाठी असा आहे चेन्नई सुपर किंग्जचा संघ:

महेंद्र सिंह धोनी (कर्णधार), मोईन अली, दीपक चहर, तुषार देशपांडे, शिवम दुबे, रुतुराज गायकवाड, राजवर्धन हंगारगेकर, रवींद्र जडेजा, अजय मंडल, मुकेश चौधरी, अजिंक्य रहाणे, शेख रशीद, मिचेल सॅंटनर, सिमरजीत सिंह, निशांत सिंधू, प्रशांत सोलंकी, महेश थिक्षणा, रचिन रवींद्र, शार्दुल ठाकूर, डेरिल मिचेल, समीर रिजवी, मुस्तफिजुर रहमान, अवनीश राव अरवेल्ली.