WPL 2023 Beth Mooney: विमेन्स प्रीमियर लीग २०२३ स्पर्धेत गुजरात जायटन्स संघाने बुधवारी झालेल्या सामन्यात जोरदार विजय मिळवला आहे.

गुजरात जायंट्स संघाने आतापर्यंत ३ सामने खेळले आहेत. हा या स्पर्धेतील गुजरातचा पहिलाच विजय आहे. दरम्यान या सामन्यानंतर गुजरात जायंट्स संघाला मोठा धक्का बसला आहे. (Latest sports updates)

स्पर्धेच्या पहिल्याच सामन्यात गुजरात जायंट्स संघाला मोठा धक्का बसला होता. कर्णधार बेथ मुनी दुखापतग्रस्त झाल्याचे पाहायला मिळाले होते. या दुखापतीमुळे आता ती संपूर्ण स्पर्धेतून बाहेर पडली आहे.

तिच्याऐवजी लॉरा वोल्वार्डला संघात स्थान दिले गेले आहे. बेथ मुनीच्या अनुपस्थितीत स्नेह राणा संघाचे नेतृत्व करताना दिसून आली होती. त्यामुळे स्नेह राणा संपूर्ण हंगामात संघाचे नेतृत्व करताना दिसून येणार आहे.

गुजरात संघाला या स्पर्धेतील पहिल्याच सामन्यात मुंबई इंडियन्स संघाकडून पराभवाचा सामना करावा लागला होता. मुंबई इंडियन्सने हा सामना १४३ धावांनी आपल्या नावावर केला होता.

तर दुसऱ्या सामन्यात युपी वॉरियर्स संघाने गुजरात संघावर ३ गडी राखून विजय मिळवला होता. तर तिसऱ्या सामन्यात गुजरात जायंट्स संघाने ११ धावांनी विजय मिळवला आहे.