BCCI म्हणजेच भारतीय क्रिकेट नियामक मंडळाच्या वार्षिक सर्वसाधारण सभेमध्ये (एजीएम) अनेक मोठे निर्णय घेण्यात आले. मिथुन मन्हास यांची बीसीसीआय अध्यक्षपदी बिनविरोध निवड करण्यात आली. याशिवाय अन्य पदाधिकाऱ्यांचीही नेमणूक करण्यात आली. या बैठकीत माजी क्रिकेटपटू प्रज्ञान ओझा आणि आरपी सिंह यांना भारतीय पुरुष संघाच्या निवड समितीत सामील करण्यात आले.

बीसीसीआयच्या बैठकीत दिल्लीच्या अमिता शर्मा यांची महिला निवड समितीच्या अध्यक्षपदी नियुक्ती करण्यात आली आङे. निवड समितीमध्ये मुंबईच्या सुलक्षणा नाईक आणि हैदराबादच्या श्रावंती नायडू यांच्यासह श्यामा डे आणि जया शर्मा यांचा समावेश करण्यात आला आहे. एस. शरथ यांची ज्युनियर क्रिकेट संघाच्या निवड समितीचे अध्यक्षपदी नियुक्ती करण्यात आली आहे.

BCCI च्या पुरुष राष्ट्रीय संघ निवड समितीचे सदस्य

• अजित आगरकर (अध्यक्ष)

• शिव सुंदर दास

• अजय रात्रा

• आर पी सिंह

• प्रज्ञान ओझा

आर पी सिंह

आर पी सिंहने क्रिकेटच्या तिन्ही फॉरमॅटमध्ये चांगली कामगिरी केली आहे. त्याने १४ कसोटी सामन्यांत ४० विकेट्स, ५८ एकदिवसीय सामन्यात ६९ विकेट्स आणि १० टी-२० सामन्यांमध्ये १५ विकेट्स घेतल्या आहेत. तो २००७ च्या टी-२० विश्वचषक विजेत्या भारतीय संघाचा भाग होता. २०११ मध्ये त्याने शेवटचा आंतरराष्ट्रीय सामना खेळला.

प्रज्ञान ओझा

आर पी सिंह प्रमाणे प्रज्ञान ओझा देखील भारताकडून तिन्ही फॉरमॅटमध्ये सहभागी झाला आहे. २००८ मध्ये त्याने आंतरराष्ट्रीय क्रिकेटमध्ये पदार्पण केले होते. २०१३ मध्ये त्याने शेवटचा आंतरराष्ट्रीय सामना खेळला. प्रज्ञान ओझाने २४ कसोटी सामन्यात ११३ विकेट्स, १८ एकदिवसीय सामन्यात २१ विकेट्स आणि ६ टी-२० सामन्यात १० विकेट्स घेतल्या होत्या.