DC VS KKR IPL 2025 : अरुण जेटली स्टेडियमवर दिल्ली कॅपिटल्स विरुद्ध कोलकाता नाईट रायडर्स हा सामना सुरु आहे. या सामन्यात दिल्लीचा कर्णधार अक्षर पटेलने टॉस जिंकला आणि प्रथम गोलंदाजी करण्याचा निर्णय घेतला. त्यानंतर सुनील नारायण आणि रहमानुल्लाह गुरबाज हे कोलकाताचे सलामीवीर फलंदाजी करण्यासाठी मैदानात उतरले.

सुरुवातीच्या काही ओव्हर्समध्ये रहमानुल्लाह गुरबाज आणि सुनील नारायण यांनी दमदार खेळ केला. तिसऱ्या ओव्हरमध्ये गुरबाजची विकेट पडली. त्याने २१६.६७ च्या स्ट्राईक रेटने १२ चेंडूत २६ धावा केल्या. त्यानंतर सातव्या ओव्हरमध्ये विपराज निगमने सुनील नारायणला २७ धावांवर बाद केले. त्यानंतर अजिंक्य रहाणे आणि अंगकृष रघुवंशी फलंदाजी करत होते.

आठव्या ओव्हरमध्ये दिल्लीचा कॅप्टन अक्षर पटेल गोलंदाजी करण्यासाठी आला. ओव्हरच्या दुसऱ्या चेंडूवर त्याने कोलकाताचा कर्णधार अजिंक्य रहाणेला एलबीडब्लू आउट केले. रहाणे २६ धावा करुन माघारी परतला. त्यानंतर उपकर्णधार व्यंकटेश अय्यर फलंदाजीसाठी आला. लगेच दहाव्या ओव्हरमध्ये अक्षरने व्यंकटेशला कॅचआउट केले. विपराज निगमने अय्यरची कॅच पकडली. दिल्लीच्या कर्णधाराच्या फिरकीत कोलकाताचे कर्णधार-उपकर्णधार अडकले.

कोलकाता नाईट रायडर्सची प्लेईंग ११ -

रहमानुल्लाह गुरबाज, व्यंकटेश अय्यर, अजिंक्य रहाणे (कर्णधार), रिंकू सिंह, अंगकृष रघुवंशी, सुनील नारायण, आंद्रे रसल, रोवमॅन पॉवेल, हर्षित राणा, अनुकूल रॉय, वरुण चक्रवर्ती

(इम्पॅक्टचे पर्याय - मनीष पांडे, मयंक मारकंडे, रमनदीपस सिंह, लवनीथ सिसोदिया, वैभव अरोरा)

दिल्ली कॅपिटल्सची प्लेईंग ११ -

फाफ डु प्लेसिस, अभिषेक पोरेल, करुण नायर, अक्षर पटेल (कर्णधार), केएल राहुल, ट्रिस्टन स्टब्स, विपराज निगम, मिचेल स्टार्क, कुलदीप यादव, दुश्मंता चमीरा, मुकेश कुमार

(इम्पॅक्टचे पर्याय - समीर रिझवी, आशुतोष शर्मा, जेक फ्रेजर-मॅकगर्क, त्रिपुराना विजय, डोनोवस फरेरा)