वर्ल्डकपचे साखळी सामने संपत आहेत, तसतशी सेमीफायनलची शर्यत आणखी रंजक होत आहे. भारताव्यतिरिक्त दक्षिण आफ्रिका उपांत्य फेरीसाठी पात्र ठरली आहे. त्याचवेळी तिसरा संघ म्हणून ऑस्ट्रेलियाचा दावा सर्वात मजबूत आहे. ऑस्ट्रेलियाचे 7 सामन्यात 10 गुण आहेत. ऑस्ट्रेलियाचे आणखी 2 सामने बाकी आहेत. त्यामुळे चौथ्या स्थानासाठी अटीतटीची लढत आहे.
पाकिस्तानशिवाय न्यूझीलंड आणि अफगाणिस्तान हे चौथ्या स्थानाचे दावेदार आहेत. सध्या न्यूझीलंड चौथ्या, पाकिस्तान पाचव्या आणि अफगाणिस्तान गुणतालिकेत सहाव्या स्थानावर असले तरी या तिन्ही संघांचे समान 8-8 गुण आहेत. (Latest sports updates)
ऑस्ट्रेलियाचे 7 सामन्यांत 10 गुण आहेत, हा संघ गुणतालिकेत तिसऱ्या स्थानावर आहे. ऑस्ट्रेलियाचा नेट रन रेट +0.924 आहे. चौथ्या क्रमांकावर असलेल्या न्यूझीलंडचे 8 सामन्यांत 8 गुण आहेत, तर नेट रन रेट धावगती +0.398 आहे.
पाचव्या क्रमांकावर असलेल्या पाकिस्तानचे 8 सामन्यांत 8 गुण आहेत, तर नेट रन रेट +0.036 आहे. याशिवाय, सहाव्या क्रमांकावर असलेल्या अफगाणिस्तानचे 7 सामन्यांत 8 गुण आहे आणि नेट रन रेट -0.330 आहे. मात्र अफगाणिस्तानने पाकिस्तान आणि न्यूझीलंडपेक्षा 1 सामना कमी खेळला आहे. ('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)
ऑस्ट्रेलियाकडून पराभूत झाल्यानंतर गतविजेता इंग्लंड संघ स्पर्धेतून बाहेर झाला आहे. बांगलादेशनंतर बाहेर पडणारा इंग्लंड हा दुसरा संघ ठरला. त्याचबरोबर गुणतालिकेत सातव्या क्रमांकावर असलेल्या श्रीलंकेचे 7 सामन्यांत 4 गुण झाले आहेत. तर या संघाचा नेट रन रेट -1.162 आहे. आठव्या क्रमांकावर असलेल्या नेदरलँडचे 7 सामन्यांत 4 गुण आहेत, तर नेट रन रेट -1.398 आहे.
सकाळ+चे सदस्य व्हा
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.