भारत विरूद्ध ऑस्ट्रेलिया यांच्यामध्ये पर्थमध्ये पहिला टेस्ट सामना खेळवण्यात येतोय. टॉस जिंकून टीम इंडियाने प्रथम फलंदाजी केली अन् टीम १५० वर ऑलआऊट झाली. यानंतर आता ऑस्ट्रेलियाच्या टीमने देखील खराब फलंदाजी केली. कांगारूंची टीम यावेळी १०४ रन्सवर गडगडली.

ऑस्ट्रेलियाचे फलंदाजही फेल

ऑस्ट्रेलियाचा पहिला डाव 104 रन्सवर आटोपला. पहिल्या डावाच्या आधारे भारताला 46 रन्सची आघाडी मिळाली आहे. ऑस्ट्रेलियाची शेवटची विकेट मिचेल स्टार्कच्या रूपात गमावली. स्टार्क २६ रन्सवर हर्षित राणाच्या चेंडूवर ऋषभ पंतकडे कॅच आऊट झाला. भारताकडून पहिल्या डावात जसप्रीत बुमराहने सर्वाधिक ५ विकेट्स घेतले. हर्षित राणाला तीन, तर मोहम्मद सिराजला दोन विकेट्स काढण्यात यश आलं आहे.