Asia Cup 2022 IND vs SL match  saam tv
Sports

Asia Cup 2022 IND vs SL : श्रीलंकेविरुद्धच्या सामन्यात भारत पराभूत

आव्हानाच्या पाठलाग करण्यासाठी उतरलेल्या श्रीलंकेच्या सलामी जोडीने चांगली सुरुवात केली. मात्र, चहलने त्यांची जोडी फोडली. त्यानंतर उतरलेल्या श्रीलंकेच्या फलंदाजांनी जोरदार खेळ दाखवत विजयाला गवसणी घातली.

Vishal Gangurde

India vs Sri Lanka Cricket Match News : आशिया कप २०२२ स्पर्धेत आज भारतीय क्रिकेट संघाचा (Team India) दुसरा सामना श्रीलंकेविरुद्ध झाला. भारतासाठी आजचा सामना 'करो या मरो' या स्थितीचा होता. प्रथंम फलंदाजी उतरलेल्या भारतीय संघाने श्रीलंकेला १७४ धावांचं आव्हान दिलं. आव्हानाच्या पाठलाग करण्यासाठी उतरलेल्या श्रीलंकेच्या सलामी जोडीने चांगली सुरुवात केली. मात्र, चहलने त्यांची जोडी फोडली. त्यानंतर उतरलेल्या श्रीलंकेच्या फलंदाजांनी जोरदार खेळ दाखवत विजयाला गवसणी घातली.

१७४ धावांचं आव्हान पाठलाग करण्यासाठी उतरलेल्या श्रीलंकेच्या फलंदाजांनी तुफानी सुरूवात केली. भारताच्या धावांच्या आव्हानाचा पाठलाग करत असताना श्रीलंकेचे सलामीवीर पथूम निसंका आणि कुसल मेंडीस यांनी दमदार सुरूवात केली. या दोघांनी १० षटकात संघाला ८९ धावांपर्यंत पोहचवले. श्रीलंकेचे सलामीवीर जोरदार खेळाचं प्रदर्शन दाखवत असताना भारताचा गोलंदाज युजवेंद्र चहलने त्यांची जोडी फोडली.

चहलने पाथुम निसंका आणि चरित असलंकाला पाठोपाठ बाद केले. युजवेंद्र चहल आणि आर आश्विन यांनी जबरदस्त गोलंदाजी करत खेळात जान आणली. त्यानंतर आर आश्विनने दनुष्का गुणातिलकला झेलबाद केले. मात्र, भानुका राजपक्षे आणि दासुन शनाकाची जोडीने भारताच्या आव्हानाच यशस्वी पाठलाग करत टीम इंडिया पराभूत केले.

भारत विरुद्ध श्रीलंकेचा रंगतदार सामना दुबईच्या स्टेडियमवर सुरू ोता. श्रीलंकेविरोधात प्रथम फलंदाजी करण्यासाठी उतरलेल्या भारतीय संघाचे पहिल्या पॉवरप्लेमध्ये दोन गडी बाद झाले. केएल राहुल अवघ्या ६ धावावर बाद झाला. तर विराट कोहली शून्यावर बाद झाला. त्यानंतर कर्णधार रोहित शर्मा-सूर्यकुमारने संघाचा डाव सावरला.

रोहित शर्माने ३२ चेंडूमध्ये अर्धशतक ठोकलं. या अर्धशतकात ४ चौकार आणि २ षटकाराचा सामावेश आहे. आक्रमक खेळीनंतर रोहित शर्मा ७२ धावा करत तंबूत परतला. गोलंदाज चमिरा कुरूणारत्नेने रोहित शर्माला झेलबाद केले. रोहित बाद झाल्यानंतर सूर्यकुमार देखील ३४ धावा करत तंबूत परतला.

सूर्यकुमारनंतर मैदानात उतरलेला ऋषभ पंत आक्रमक अंदाजात दिसला. त्याने १५ व्या षटकात जोरदार दोन चौकार मारले. १७ षटकानंतर भारताच्या ४ बाद १४० धावा झाल्या होत्या. त्यानंतर हार्दिक पंड्या, दीपक हुड्डा, ऋषभ पंत स्वस्तात माघारी परतले. भूवी देखील शून्य धावावर बाद झाला. तर अश्विनने शेवटच्या दोन चेंडूवर ८ केल्या. त्यामुळे २० षटकात ८ बाद १७३ धावांपर्यंत पोहचवले.

सकाळ+चे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Nagpur : बुद्धिबळाची राणी दिव्या देशमुख नागपूरमध्ये पोहचली! ढोलताशांच्या गजरात स्वागत | VIDEO

Maharashtra Live News Update: नांदणीमधील महादेवी हत्तीनीला परत आणण्यासाठी जनचळवळ सुरू

JioPC: टीव्हीला संगणक बनवा JioPC च्या किफायतशीर प्लॅनसह, फक्त ५९९ रुपयांत

Ladki Bahin Yojana: रक्षाबंधनला लाडकीला ओवाळणी मिळणार! २९८४ कोटींचा निधी वर्ग, खात्यात ₹३००० खटाखट येणार?

अर्धा लिंबू, कुंकू अन् टाचण्या.. अजित पवार गटातील नेत्याच्या घराबाहेर जादू टोण्याचा प्रकार; घटना CCTVमध्ये कैद

SCROLL FOR NEXT