Ashleigh Barty Saam TV
Sports

Australian Open 2022: ऍशले बार्टी चॅम्पियन, तिसरे ग्रँड स्लॅम जिंकून रचला इतिहास

ख्रिस ओ'नीलने त्याच्या आधी 1978 मध्ये शेवटचे हे विजेतेपद पटकावले होते.

वृत्तसंस्था

जागतिक क्रमवारीत अव्वल स्थानी असलेल्या ऑस्ट्रेलियाच्या ऍशले बार्टीने (Ashleigh Barty) ऑस्ट्रेलियन ओपन 2022 (Australian Open 2022) च्या महिला एकेरीचे विजेतेपद पटकावले आहे. ऍशले बार्टीने अंतिम फेरीत अमेरिकेच्या डॅनियल कॉलिन्सचा सरळ सेटमध्ये पराभव करून तिसरे ग्रँडस्लॅम विजेतेपद पटकावले. शनिवारी 29 जानेवारी रोजी रॉड लेव्हर एरिना येथे झालेल्या या अंतिम फेरीत बार्टीने कॉलिन्सचा 6-3, 7-6 असा पराभव करून पहिल्यांदाच ऑस्ट्रेलियन ओपनचे विजेतेपद पटकावले. यासोबतच त्यांनी इतिहासही रचला. 44 वर्षात महिला एकेरीचे विजेतेपद जिंकणारी ती पहिली ऑस्ट्रेलियन महिला आहे.

ख्रिस ओ'नीलने त्याच्या आधी 1978 मध्ये शेवटचे हे विजेतेपद पटकावले होते. ही फायनल दोन्ही खेळाडूंसाठी खास होती, कारण दोन्ही खेळाडू पहिल्यांदाच ऑस्ट्रेलिया ओपनच्या अंतिम फेरीत पोहोचले होते. बार्टीची ही केवळ तिसरी अंतिम फेरी होती, तर कॉलिन्स पहिल्यांदाच ग्रँडस्लॅमच्या अंतिम फेरीत पोहोचली होती. खरेतर, कॉलिन्सने प्रथमच ग्रँड स्लॅमच्या उपांत्यपूर्व फेरीच्या पुढे आगेकूच केली होती. मात्र, तिच्या या चमकदार प्रवासाचे अंतिम फेरीत विजेतेपदात रुपांतर झाले नाही कारण ऑस्ट्रेलियाची स्टार बार्टीसमोर विजेतेपदाचे स्वप्न अधुरेच राहिले.

Edited By: Pravin Dhamale

सकाळ+चे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Super Earth discovery: नासाने शोधला Super-Earth! पृथ्वीपेक्षा 36 पट मोठा आहे ग्रह; वाचा शास्त्रज्ञांनी कसा शोधला?

Patolya Recipe: नागपंचमी स्पेशल मऊ लुसलुशीत पातोळ्या कश्या बनवायच्या? रेसिपी वाचा

Ladki Bahin Yojana: पुरूष लाभार्थी घुसलेच कसे? लाडकी बहीण योजनेत ४८०० कोटींचा घोटाळा

Maharashtra Live News Update : कोकांटेंचा राजीनामा नाहीच, फक्त खाते बदल होणार,सूत्रांची माहिती

मुंबई-आग्रा महामार्गावर बसचा भीषण अपघात, ८ वर्षाच्या चिमुकलीचा मृत्यू, १५ जखमी, ४ जणांची प्रकृती गंभीर

SCROLL FOR NEXT