CSK vs RCB Highlight: आयपीएलमध्ये आज मुंबई इंडियन्स आणि सनराईज हैदराबाद या दोन संघात अतिशय रंगतदार सामना झाला. शेवटच्या षटकापर्यंत श्वास रोखून धरायला लावणाऱ्या या सामन्यात मुंबईने हैदराबादचा १४ धावांनी पराभव केला. मुंबईचा यंदाचा हंगामातील हा सलग तिसरा विजय असून विजयासह मुंबईने गुणतालिकेत मोठी झेप घेतली आहे.

हैदराबादच्या राजीव गांधी स्टेडियमवर सनराईज हैदराबादने नाणेफेक जिंकत गोलंदाजीचा निर्णय घेतला. त्यानंतर प्रथम फलंदाजीसाठी उतरलेल्या मुंबई इंडियन्सने हैदराबादसमोर विजयासाठी निर्धारित २० षटकात ५ गड्यांच्या मोबदल्या १९३ धावांचं लक्ष ठेवलं होतं. (Latest sports updates)

मुंबईकडून कॅमरून ग्रीनने सर्वाधिक ६४ धावांची खेळी केली. तर तिलक वर्माने १६ चेंडूत ३७ धावा चोपत स्ट्राईक रेट वाढवून दिला. हैदराबादकडून मार्को यान्सनने ४३ धावा देत २ गड्यांना बाद केलं. तर भुवनेश्वर कुमार आणि टी नटराजन यांनी प्रत्येकी १ विकेट्स घेतल्या.

दरम्यान, १९३ धावांचा पाठलाग करताना हैदराबादच्या डावाची सुरूवातीलाच पडझड झाली. मागच्या सामन्यातील शतकवीर हॅरी ब्रूकला जेसन बेहरेनडॉर्फने ७ धावांवर माघारी पाठवलं. त्यानंतर आलेल्या राहुल त्रिपाठी फार काही मोठी धावसंख्या करू शकला नाही. त्याने ५ चेंडूत ७ धावा केल्या.

त्यानंतर फलंदाजीसाठी आलेल्या एडम मार्करमने मयांक अग्रवालची चांगली साथ दिली. मात्र, दोघांमध्ये भागीदारी होत असताना कॅमरुन ग्रीनने ही जोडी फोडली. मार्करम २२ धावा काढून बाद झाला. त्यानंतर फलंदाजीसाठी आलेल्या क्लासेनने मुंबईच्या गोलंदाजांची चांगलीच धुलाई केली. क्लासेनने मयांक अग्रवालची चांगली साथ दिली.

मयंक अग्रवाल आणि हेन्रिक क्लासेन खेळत असताना हैदराबाद हा सामना सहज जिंकेल असे वाटत होते, मात्र दोघेही बाद झाल्याने सामना पुन्हा मुंबईच्या ताब्यात आला. अग्रवालने ४१ चेंडूत ४८ धावा केल्या. तर क्लासेनने १६ चेंडूत ३६ धावांची खेळी केली. यामध्ये ४ चौकार आणि २ षटकारांचा समावेश होता.

हैदराबादला शेवटच्या षटकात २० धावांची गरज होती. शेवटच्या षटकात अर्जुन तेंडुलकरने चांगली गोलंदाजी करत आयपीएलमधील पहिली विकेट घेतली. मुंबईने हा सामना १४ धावांनी जिंकला आहे. मुंबईकडून बेहरेनडॉर्फ, चावला आणि मेरिडिथने प्रत्येकी २ विकेट्स घेतल्या. तर अर्जुन तेंडुलकर कॅमरून ग्रीनने प्रत्येकी १ गड्यांना बाद केलं.

Edited by - Satish Daud