कोलकाताच्या इडन गार्डन्स मैदानावर बंगाल प्रो टी-२० २०२४ स्पर्धेचा थरार रंगणार आहे. या स्पर्धेतील अनेक व्हिडिओ सोशल मीडियावर जोरदार व्हायरल होत आहेत. दरम्यान बंगालचा क्रिकेटपटू अभिषेक दासने मिदनापूर विजार्ड्स संघाविरुद्ध झालेल्या सामन्यात भन्नाट झेल टिपला आहे. ज्याचा व्हिडिओ सध्या सोशल मीडियावर तुफान व्हायरल होत आहे.

अभिषेक दास हा उत्कृष्ठ क्षेत्ररक्षक आहे. यापूर्वी ही त्याने अनेक भन्नाट झेल टिपले आहेत. मात्र यावेळी टिपलेला झेल जरा हटकेच होता. या सामन्यात तो सीमारेषेवर क्षेत्ररक्षण करत होता. त्यावेळी फलंदाजाने त्यावेळी डावखुऱ्या हाताच्या फलंदाजाने मिड ऑनच्या वरुन षटकार मारण्याचा प्रयत्न केला.

चेंडू सीमारेषेपार जाणारच होता इतक्यात अभिषेक दासने उंच उडी मारली आणि डाईव्ह मारत हा अविश्वसनिय झेल टिपला. हा झेल पाहून फलंदाजासह गोलंदाज आणि संघातील इतर क्षेत्ररक्षकही आश्चर्यचकीत झाले. मुख्य बाब म्हणजे त्याने झेल टिपल्यानंतर त्याने शिखर धवन स्टाईल मांडी ठोकून हटके सेलिब्रेशन केलं. हा व्हिडिओ तुफान व्हायरल होत असून नेटकरी भन्नाट प्रतिक्रिया देताना दिसून येत आहेत.

तसेच या सामन्याबद्दल बोलायचं झालं,तर स्पर्धेतील ७ व्या सामन्यात मिदनापूर विजार्ड्स आणि हावरा वॉरियर्स हे दोन्ही संघ आमनेसामने आले होते. या सामन्यात मिदनापूर विजार्ड्स या संघाने नाणेफेक जिंकला आणि प्रथम फलंदाजी करण्याचा निर्णय घेतला. प्रथम फलंदाजी करण्यासाठी आलेल्या मिदनापूर विजार्ड्सने २० षटकअखेर १३२ धावा केल्या.

या संघाकडून सलामीला आलेल्या विवेक सिंगने सर्वाधिक ३४ धावांची खेळी केली. तर कौशिक मैटीने ३२ धावा केल्या. या सामन्यात हावरा वॉरियर्स संघाला विजयासाठी १३३ धावांची गरज होती. या धावांचा पाठलाग करताना प्रमोद चंडीलाने ४६ आणि पंकज शॉने ३६ धावांची खेळी करत संघाला विजय मिळवून दिला.