बँकेत नोकरी करण्याची इच्छा असणाऱ्या तरुणांसाठी महत्त्वाची बातमी आहे. जिल्हा मध्यवर्ती सहकारी बँक लिमिटेडमध्ये भरती जाहीर करण्यात आली आहे. १०वी, १२वी ते पदवीधर उमेदवार या नोकरीसाठी अर्ज करु शकतात. तब्बल ३२३ पदांसाठी ही भरती केली जाणार आहे. शिपाई आणि ज्युनियर लिपिक पदांसाठी ही भरती करण्यात येणार आहे. या नोकरीसाठी ऑनलाइन पद्धतीने अर्ज करण्यास सांगितले आहे.

सातारा जिल्हा मध्यवर्ती बँकेत ही नोकरीची सुवर्णसंधी आहे. १०,००० ते १४००० रुपये मासिक वेतन दिले जाणार आहे. लिपिक पदासाठी उमेदवाराने कोणत्याही शाखेतून पदवीधर असणे गरजेचे आहे. याचसोबत त्याने एमएससीआयटीचा कोर्स केलेला असावे. शिपाई पदासाठी उमेदवार १०वी पास असायला हवा. तसेच त्याला संगणकाचे ज्ञान असायला हवे.

या नोकरीसाठी अर्ज करणाऱ्या उमेदवाराला मराठी आणि इंग्रजी भाषेचे ज्ञान असणे गरजेचे आहे. याबाबत माहिती जिल्हा मध्यवर्ती बँकेच्य अधिकृत वेबसाइटवर देण्यात आली आहे. २१ ऑगस्ट २०२४ ही अर्ज करण्याची शेवटची तारीख आहे.

याचसोबत अनेक बँकांमध्ये भरती सुरु आहे. आयबीपीएसद्वारे नॅशनल बँकामध्ये भरती केली जाणार आहे. लिपिक पदासाठी अर्ज करण्याची शेवटची तारीख २१ ऑगस्ट आहे. या नोकरीसाठी इच्छुकस उमेदवारांनी लवकरात लवकर आयबीपीएसच्या अधिकृत वेबसाइटवर जाऊन अर्ज करावेत.