सरकारी नोकरीच्या शोधात असणाऱ्या तरुणांसाठी महत्त्वाची बातमी आहे. आता पुणे महानगरपालिकेतील रखडलेली भरती प्रक्रिया लवकरच सुरु होणार आहे. पुणे महानगरपालिकेत १०० कनिष्ठ अभियंता पदासाठी भरती होणार आहे. या नोकरीसाठी अर्जप्रक्रिया लवकरच सुरु होणार आहे. (PMC Recruitment)

मराठी समाजातील कुणबी प्रमाणपत्र असलेल्या उमेदवारांना ओबीसी प्रवर्गातून संधी देण्यात निर्णय झाला आहे. त्यानंतर आता ही भरती सुरु होणार आहे. येत्या १५-२० दिवसांत य भरतीबाबत जाहिरात प्रसिद्ध केली जाणार आहे, अशी माहिती अतिरिक्त आयुक्त पृथ्वीराज बी.पी यांनी दिली आहे. (Pune Municipal Corporation Recruitment)

पुणे महापालिकेने मागील वर्षी १०० कनिष्ठ अभियंता भरतीची प्रक्रिया सुरु केली होती. त्यासाठी अर्जप्रक्रियादेखील झाली होती. मात्र, कुणबी प्रमाणपत्र असलेल्या तरुणांना ओबीसी प्रवर्गातून अर्ज करता येईल, याबाबत कोणताही निर्णय झाला नव्हता. त्यामुळे ही भरती प्रक्रिया रखडली होती. मात्र, आता कुणबी प्रमाणपत्र असलेले तरुण ओबीसी प्रवर्गातून अर्ज करता येणार आहेत.

राज्यात विधनासभा निवडणुका पार पडल्यानंतर आता ही भरतीप्रक्रिया लवकरच सुरु होणार आहे. या नोकरीसाठी उमेदवारांची निवड परिक्षेद्वारे केली जाणार आहे. ही परीक्षा आयबीपीएसद्वारे केली जाणार असल्याचे सांगितले जात आहे.

पुणे महानगरपालिकेत नोकरी करण्याचे स्वप्न पाहणाऱ्या तरुणांसाठी ही उत्तम संधी आहे. या भरतीबाबत जाहिरात येत्या १५ दिवसात प्रकाशिक करण्यात येईल. काही तांत्रिक प्रक्रिया पार पाडून १५ जानेवारीपर्यंत भरतीसाठी जाहिरात प्रसिद्ध करण्याचा प्रयत्न आहे, असं पृथ्वीराज बी.पी.अ अतिरिक्त आयुक्त पुण महापालिका यांनी सांगितले आहे.