सरकारी नोकरी करण्याची अनेक तरुणांची इच्छा असते. सध्या दूरसंचार मंत्रालयात भरती सुरु आहे. त्यामुळे सरकारी नोकरी करण्याचे तुमचे स्वप्न लवकरच पूर्ण होणार आहे. दूरसंचार मंत्रालयात वेगवेगळ्या पदांसाठी भरती केली जाणार आहे.

ज्युनिअर अकाउंटंट, लोवर डिवीजन क्लर्क, पर्सनल सेक्रेटरी, स्टेनोग्राफर आणि मल्टी टास्किंग स्टाफ या पदासाठी ही भरती करण्यात येणार आहे.या नोकरीसाठी तुम्हाला ऑफलाइन पद्धतीने अर्ज करायचा आहे. dot.gov.in या वेबसाइटवर जाऊन फॉर्म डाउनलोड करायचा आहे. त्यानंतर हा फॉर्म दिलेल्या पत्त्यावर पाठवायचा आहे. या नोकरीसाठी अर्ज करण्याची शेवटची तारीख २१ ऑक्टोबर २०२४ आहे.

दूरसंचार मंत्रालयात २७ जागांसाठी ही भरती होणार आहे. या नोकरीसाठी अर्जप्रक्रिया सुरु झाली आहे. त्यामुळे इच्छुक उमेदवारांनी मुदतीपूर्वीच अर्ज करावा.

ज्युनिअर अकाउंटंटसाठी ९ पदे भरण्यात येणार आहे. लोवर डिवीजन क्लार्कसाठी १५ पदे, पर्सनल सेक्रेटरीसाठी १ पद, स्टेनोग्राफर पदासाठी १ पद, मल्टी टास्किंग स्टाफ पदासाठी १ पद भरण्यात येणार आहे.

या नोकरीसाठी कमाल वयोमर्यादा ५६ वर्ष आहे. याबाबत अधिसूचना जाहीर करण्यात आली आहे. या नोकरीसाठी उमेदवारांना २९,२०० ते १,४२,००० रुपयांपर्यंत पगार मिळणार आहे. या नोकरीसाठी तुम्हाला अर्ज जॉइंट कंट्रोलर ऑफ कम्युनिकेशन अकाउंट्स, ऑफिस कंट्रोलर ऑफ कम्युनिकेशन अकाउंट्स, महाराष्ट्र आणि गोवा, बीएसएनएस अॅडमिनिस्ट्रटिव्ह बिल्डिंग, तिसरा मजला, जूहू रोड, सांताक्रूझ, मुंबई येथे अर्ज पाठवायचा आहे.