देशसेवा करण्याचे स्वप्न पाहणाऱ्या तरुणांसाठी खुशखबर आहे. इंडो तिबेटीयन बॉर्डर पोलिस फोर्समध्ये भरती सुरु आहे. याबाबत आयटीबीपीने अधिसूचना जाहीर केली आहे. यात या संस्थेने हेड कॉन्स्टेबल (शिक्षण आणि तणाव सल्लागार) या पदांसाठी अर्ज मागवले आहेत. या पदासाठी अर्ज करण्यासाठी उमेदवार अधिकृत वेबसाइटला भेट देऊ शकतात आणि अर्ज करु शकतात.

या नोकरीसाठी एकूण ११२ पदे भरण्यात येणार आहे. यात हेड कॉन्स्टेबल ही पदे भरण्यात येणार आहे.यासाठी अर्ज करणाऱ्या उमेदवाराने मान्यताप्राप्त विद्यापीठातून पदवी किंवा बॅचर ऑफ एज्युकेशन किंवा टिचिंग यामध्ये पदवी मिळवलेली असणे आवश्यक आहे.

या नोकरीसाठी उमेदवारांची निवड लेखी परीक्षा, शारीरिक कार्यक्षमता आणि शारीरिक मानक परिक्षण या चाचणीच्या आधारे घेतली जाईल. या भरतीसाठी अर्ज करणाऱ्या उमेदवाराला १०० रुपये अर्ज शुल्क भरावे लागेल. तर अनुसुचित जाती, जमातीसाठी अर्जाच्या शुल्कात सूट देण्यात आली आहे.

अर्ज करण्यासाठी उमेदवारांना ITBP recruitment.itbppolice.nic.in वर जाऊन अर्ज भरावा लागेल. या नोकरीसाठी अर्ज करण्याची शेवटची तारीख ५ ऑगस्ट २०२४ आहे. ज्या लोकांना देशसेवा करायची इच्छा आहे. त्यांनी या नोकरीसाठी अर्ज करावा.