सरकारी नोकरीच्या शोधात असणाऱ्या तरुणांसाठी आनंदाची बातमी आहे. इन्कम टॅक्स विभागात नोकरी करण्याची सुवर्णसंधी तुमच्याकडे आहे. आयकर विभागात स्टेनोग्राफर ग्रेड १ पदासाठी ही भरती जाहीर करण्यात आली आहे. केरळ येथे ही भरती केली जाणार आहे. या नोकरीसाठी तुम्ही ऑनलाइन पद्धतीने अर्ज करु शकतात. (Income Tax Recruitment )

आयकर विभागातील या भरतीसाठी तुम्ही incometaxindia.gov.in या वेबसाइटवर जाऊन अर्ज करु शकतात. याच वेबसाइटवर अधिसूचना जाहीर करण्यात आली आहे. आयकर विभागात एकूण १०० पदांसाठी भरती जाहीर करण्यात आली आहे. या नोकरीसाठी अर्ज करण्याची शेवटची तारीख ३१ मार्च २०२५ आहे.

आयकर विभागातील या नोकरीसाठी अर्ज करणाऱ्या उमेदवाराची कमाल वयोमर्यादा ५६ वर्षे असावी. या नोकरीसाठी निवड झाल्यावर उमेदवारांना ३५,४०० ते १,१२,४०० रुपये पगार मिळणार आहे. या नोकरीसाठी उमेदवारांनी अर्ज करण्यापूर्वी अधिसूचना वाचा.

आयकर विभागाच्या अधिसूचनेत अर्ज कसा करायचा हे सांगितलं आहे. अर्जाची प्रत दिलेली आहे. हा अर्ज भरुन तुम्हाला आयकर आयुक्त, ७वा मजला, आयकर भवन, पुराना रेल्वे स्टेशन रोड, कोची ६८२०१८ येथे पाठवायचा आहे. (Income Tax Recruitment 2025)

पंजाब नॅशनल बँकेत भरती

सध्या पंजाब नॅशनल बँकेत नोकरी करण्याची सुवर्णसंधी आहे. बँकेत इंटरनल ओब्ड्समॅन पदासाठी भरती जाहीर करण्यात आली आहे. या नोकरीसाठी तुम्हाला ऑनलाइन पद्धतीने अर्ज करायचा आहे.या नोकरीसाठी अर्ज करण्याची शेवटची तारीख २२ फेब्रुवारी २०२५ आहे.