Ladki Bahin Yojana: पुण्यातील 'त्या' ७५००० लाडक्या बहिणींचे अर्ज बाद होणार

मुख्यमंत्री माझी लाडकी बहीण योजना सध्या चर्चेत आली आहे. लाडकी बहीण योजनेच्या लाभार्थ्यांच्या घरी जाऊन आता तपासणी केली जाणार आहे. दरम्यान पुण्यातील ७५१०० महिलांच्या किंवा त्यांच्या कुटुंबियांच्या नावावर चारचाकी वाहन असल्याचे निष्पण झालं आहे. त्यानंतर आता अंगणवाडी सेविका या महिलांच्या घरी जाऊन तपासणी करणार आहे.

पुण्यात एकूण २१ लाख ११ हजार ९९१ महिलांनी अर्ज दाखल केले होते. त्यातील २० लाख ८९ हजार ९४६ महिलांना लाभ मिळाला आहे.तर यामधील ७५ हजार महिलांकडे चारचाकी वाहन असल्याचे समोर आले आहे. जिल्हा प्रशासनाकडे चारचाकी वाहने असलेल्या बहि‍णींची यादी आली आहे.त्यानंतर आता महिलांच्या अर्जाची पडताळणी करण्यात येणार आहे.