भारतीय मेरीटाईम विद्यापीठाने सहाय्यक आणि सहाय्यक मेरीटाईम पदांसाठी पात्र उमेदवारांकडून अर्ज मागवण्यात आले आहेत. नोंदणी सुरू झाली असून अर्ज करण्याची अंतिम तारीख जाणून घ्या.

किती पदे भरली जातील?

या भरती मोहिमेद्वारे एकूण २७ पदांवर पात्र उमेदवारांची नियुक्ती केली जाईल. यापैकी १५ पदे सहाय्यक तर १२ पदे सहाय्यक (वित्त) विभागासाठी आहेत. या पदांसाठी फक्त ऑनलाइन अर्ज करू शकता. यासाठी भारतीय मेरीटाईम विद्यापीठाच्या अधिकृत वेबसाइटला भेट द्यावी लागेल. www.imu.edu.in

पात्रता काय?

या पदांसाठी अर्ज करण्यासाठी उमेदवाराने मान्यताप्राप्त विद्यापीठातून बॅचलर पदवी प्राप्त केलेली असणे आवश्यक आहे. या दोन्ही पदांसाठी ३५ वर्षांपर्यंतचे उमेदवार अर्ज करू शकतात.

• सहाय्यक पद - कोणत्याही शाखेतून पदवी प्राप्त असणे महत्त्वाचे

• सहाय्यक वित्त पद - वाणिज्य, गणित किंवा सांख्यिकी या विषयात पदवी घेतलेले उमेदवार

किती फी?

• जनरल श्रेणीसाठी शुल्क १००० रुपये

• एससी, एसटी प्रवर्गासाठी शुल्क ५०० रुपये

• महिला उमेदवार आणि पीएच उमेदवारांना शुल्क भरावे लागणार नाही.

निवड कशी होईल?

• संगणकावर आधारित भरती परीक्षा

• कागदपत्रांची पडताळणी

• वैद्यकीय तपासणी

• हे सर्व टप्पे पार करणाऱ्या उमेदवारांची निवड अंतिम असेल.

शेवटची तारीख काय?

या पदांसाठी अर्ज ९ ऑगस्टपासून सुरू झाले असून अर्ज करण्याची अंतिम तारीख ३० ऑगस्ट २०२४ आहे.