बँकेत नोकरी करण्याची इच्छा असणाऱ्या तरुणांसाठी महत्त्वाची बातमी आहे. आयडीबीआय बँकेत सध्या ऑफिसर पदांसाठी भरती सुरु आहे. आयडीबीआय बँकेने या भरतीबाबत अधिसूचना जाहीर केली आहे. या नोकरीसाठी अर्ज तुम्ही अधिकृत वेबसाइटवरुन करु शकतात. (IDBI Bank Recruitment)

आयडीबीआय बँकेमधील या नोकरीसाठी अर्ज करण्याची प्रक्रिया २१ नोव्हेंबरपासून सुरु झाली आहे. या नोकरीसाठी अर्ज करण्याची शेवटची तारीख ३० नोव्हेंबर २०४ आहे. या नोकरीसाठी इच्छुक उमेदवारांनी लवकरात लवकर अर्ज करावेत.

आयडीबीआय बँकेने ही एक्झिक्युटिव्ह सेल्स अँड ऑपरेशन (ESO) पदासाठी ही भरती केली जाणार आहे. असिस्टंट मॅनेजर (JAM), स्पेशलिस्ट (AAO)पदासाठी ही भरती केली जाणार आहे. असिस्टंट मॅनेजर पदासाठी अहमदाबाद, बंगळुरु, चंडीगढ, कोची, मुंबई, नागपूर, पुणे येथे भरती केली जाणार आहे. असिस्टंट मॅनेजर पदासाठी ५०० जागा रिक्त आहेत. स्पेशलिस्ट एग्री असेट ऑफिसर पदासाठी १०० जागा रिक्त आहेत. एकूण ६०० जागांवर ही भरती करण्यात येणार आहे. (IDBI Bank Recruitment 2024)

असिस्टंट मॅनेजर पदासाठी अर्ज करणाऱ्या उमेदवाराने मान्यताप्राप्त विद्यापीठातून ग्रॅज्युएशन पूर्ण केलेले असावे. तसेच ग्रेड ओ-एएओ स्पेशलिस्ट पदासाठी कृषी इंजिनियरिंग, मत्स्य विज्ञान, पशुपालन, डेअरी विज्ञान या विषयात पदवी प्राप्त केलेली असावी. याबाबत सविस्तर माहिती अधिकृत वेबसाइटवर देण्यात आली आहे.

आयडीबीआय बँकेच्या या नोकरीसाठी अर्ज करणाऱ्या उमेदवाराची वयोमर्यादा २० ते २५ वर्ष असावी. या नोकरीसाठी अर्ज करताना उमेदवारांना २५० रुपये अर्ज शुल्क भरावे लागणार आहे.या नोकरीसाठी उमेदवारांची निवड ऑनलाइन टेस्ट, कागदपत्रे पडताळणी, मुलाखत आणि प्री रिक्रूटमेंट मेडिकल टेस्टद्वारे केली जाणार आहे.