सरकारी नोकरीच्या शोधात असणाऱ्यांसाठी महत्त्वाची बातमी आहे. आता इंटेलिजेन्स ब्युरोमध्ये नोकरी करण्याची सुवर्णसंधी तुमच्याकडे आहे. इंटेलिजेंस ब्युरोमध्ये सध्या मल्टी टास्किंग स्टाफ पदासाठी भरती सुरु आहे. याबाबत अधिसूचना जाहीर करण्यात आली आहे. इंटेलिजेंस ब्युरोमध्ये सध्या ३६२ पदांसाठी भरती जाहीर करण्यात आली आहे. देशातील उमेदवार या नोकरीसाठी अर्ज करु शकतात.

इंटेलिजेंस ब्युरोमधील नोकरीसाठी अर्जप्रक्रिया २२ नोव्हेंबर २०२५ रोजी सुरु होणार आहे. या नोकरीसाठी अर्ज करण्याची शेवटची तारीख १४ डिसेंबर २०२५ आहे. त्यामुळे अर्ज करण्यासाठी तुमच्याकडे १५-२० दिवस आहेत. इच्छुकांनी लवकरात लवकर अर्ज करावेत.

पात्रता (Intelligence Breau Recruitment Eligibility)

इंटेलिजेंस ब्युरोमधील (Intelligence Breau Recruitment) या नोकरीसाठी उमेदवारांनी मान्यताप्राप्त विद्यापीठातून १०वी पास असणे गरजेचे आहे. १८ ते २५ वयोगटातील उमेदवार या नोकरीसाठी अर्ज करु शकतात. राखीव प्रवर्गातील उमेदवारांना वयोमर्यादेत सूट देण्यात आली आहे.

या नोकरीसाठी अर्ज करताना सामान्य प्रवर्गातील उमेदवारांना ५५० रुपये फी द्यावी लागणार आहे. राखीव प्रवर्गातील उमेदवारांना १०० रुपये शुल्क भरावे लागणार आहे.

अर्जप्रक्रिया (Application Process)

इंटेलिजेंस ब्युरोमधील या नोकरीसाठी अर्ज करताना उमेदवारांना mha.gov.in वर जायचे आहे.

यानंतर संबंधित भरती लिंकवर क्लिक करा.

यानंतर सर्वात आधी रजिस्ट्रेशन पूर्ण करा.

यानंतर तुम्ही वेबसाइटवर लॉग इन करा. वेबसाइटवर लॉग इन केल्यानंतर फॉर्म भरायचा आहे.

यानंतर फॉर्म सबमिट करण्यापूर्वी त्याची प्रिंट आउट काढून ठेवा.