रेल्वे मंत्रालयाअंतर्गत कार्यरत नवरत्न सेंट्रल पब्लिक सेक्टर एंटरप्राइज राइट्स लिमिटेड ने विविध पदांसाठी भरती जाहीर केली आहे. यासाठी इच्छुक उमेदवारांकडून अर्ज मागवण्यात आले आहे. कंपनीने आपल्या अधिकृत वेबसाइटवर म्हणजेच www.rites.com वर याबाबत अधिसूचना जारी केली आहे. या नोकरीसाठी अर्ज करण्याची प्रक्रिया सुरु झाली आहे. २६ जुलै २०२४ ही अर्ज करण्याची शेवटची तारीख आहे.

RITES लिमिटेडने प्रोजेक्ट लीडर, टीम लीडर, डिझाइन एक्सपोर्ट, इंजिनियर यांच्या विविध ट्रेडमधील रिक्त पदांसाठी भरती सुरु केली आहे. यामध्ये प्रोजेक्ट लीडर, टीम लीडर, डिझाइन एक्सपोर्ट, इंजिनियर या पदांसाठी मोठी भरती जाहीर केली आहे.

या नोकरीसाठी अर्ज करणाऱ्या उमेदवारांनी संबंधित क्षेत्रातील डिप्लोमा/ पदवी असणे आवश्यक आहे. याचसोबत उमेदवाराच्या कामाच्या अनुभवाचाही विचार घेण्यात येईल. या क्षेत्रातील अनुभव असणाऱ्या उमेदवारांना प्राधान्य देण्यात येईल. या नोकरीसाठी सर्व माहिती अधिकृत वेबसाइटवर देण्यात आली आहे.

या नोकरीसाठी उमेदवाराची वयोमर्यादा कमाल ५५ वर्ष असावी. या नोकरीसाठी निवड मुलाखतीद्वारे घेतली जाणार आहे. या नोकरीसाठी कोणतीही लेखी परीक्षा द्यावी लागणार नाही. २२ जुलै ते २६ जुलै या कालावधीत मुलाखत होणार आहे. मुलाखतीच्या ठिकाणाची माहिती वेबसाइटवर देण्यात आली आहे. ही भरती कंत्राटी पद्धतीने केली जाणार आहे. यामध्ये कामाचा कालावधी एक वर्षाचा असेल. या पदांसाठी उमेदवारांना ८.४७ लाख रुपये ते २४.५४ लाख रुपये वार्षिक पॅकेज दिले जाणार आहे.